’டாடா டியகோ’ - லட்சக்கணக்கில் விற்பனையாகி அசத்தும் நடுத்தர வர்க்கத்தின் பட்ஜெட் கார்!

டெல்லி: டாடா நிறுவனத்தின் டியகோ வகை கார்கள் அதிக அளவில் உற்பத்தி செய்யப்பட்டு, விற்பனையாகி புதிய சாதனை படைத்துள்ளது.

இந்திய கார் உற்பத்தி சந்தையில் டாடா நிறுவனம் மிக முக்கிய பங்கு வகிக்கிறது. அதில் கடந்த ஆண்டு ஏப்ரலில் அறிமுகப்படுத்தப்பட்ட ’டியகோ’ கார்கள் புதிய சாதனை படைத்துள்ளது. அதாவது வெறும் 19 மாதத்தில் ஒரு லட்சம் டியகோ கார்கள் தயாரிக்கப்பட்டு, விற்பனையும் செய்யப்பட்டுள்ளது.

வாடிக்கையாளர்களுக்கு ஏற்ற வகையில், ரூ.3.21 லட்சம் என விலை நிர்ணயிக்கப்பட்டுள்ளது. கடந்த மாதத்துடன் 93,299 டியகோ கார்கள் தயாரிக்கப்பட்டுள்ளது. இதில் 77,086 பெட்ரோல் வகை, 16,213 டீசல் வகையைச் சேர்ந்தது. அதாவது பெட்ரோல் வகை கார்கள் மட்டும் 83% அளவிற்கு விற்பனையாகி உள்ளது.

இந்த கார் அறிமுகப்படுத்தப்பட்ட 4 மாதத்தில், 30,000 ஆர்டர்கள் குவிந்தது குறிப்பிடத்தக்கது. டியகோ கார் மூலம் பயணிகள் வாகனச் சந்தையில், டாடா தனது செல்வாக்கை மேலும் உயர்த்தியுள்ளது.

கடந்த ஏப்ரல்-செப்டம்பர் மாதத்தில் மட்டும் 6.1% அளவு பங்குகளை உயர்த்தியுள்ளது. இதே காலக்கட்டத்தின் கடந்த ஆண்டில் 5.6% அளவு பங்குகள் பெற்றிருந்தது. டாடாவின் புதிய தயாரிப்புகளான டிகோர், ஹெக்சா, நெக்சான் ஆகியவை முந்தைய தயாரிப்புகளை விட அதிகம் விற்பனையாகி வருகிறது.

Tata rolls out 100,000th Tiago from Gujarat plant.