Nitin Gadkari: கியர் இல்லாத மின்சார ஸ்கூட்டர் ஓட்ட 16 வயதில் லைசென்ஸ்

16 முதல் 18 வயதுடையவர்களுக்கு கியர் இல்லாத மின்சார ஸ்கூட்டர் ஓட்டுவதற்கான லைசென்ஸ் வழங்கலாம் என மத்திய அரசு முடிவு செய்துள்ளது.

நாடாளுமன்றத்தில் வியாழக்கிழமை பேசிய மத்திய சாலை போக்குவரத்து துறை அமைச்சர் நிதின் கட்கரி இதனைத் தெரிவித்துள்ளார். 16 வயதுடையவர்களுக்கு 4 கிலோவாட் வரை திறனுள்ள மின்சார இருச்சக்கர வாகனத்துக்கு லைசென்ஸ் வழங்கலாம் என்றார்

வாகனத்தின் வேகம் 50 சிசி மற்றும் அதற்கும் குறைவாக இருக்க வேண்டும் எனவும் மின்சார ஸ்கூட்டருக்கு 50 சிசி வேகம் இல்லை என்றாலும் நடைமுறையில் இருக்கும் மணிக்கு 70 கிலோ மீட்டர் வேகத்துக்கு செல்லும் மின்சார ஸ்கூட்டரை பயன்படுத்தலாம் எனவும் தெரிவித்துள்ளார்.

கடந்த டிசம்பரிலேயே 16 முதல் 18 வயதுடையவர்களுக்கு லைசென்ஸ் வழங்குவது குறித்து அரசாணை வெளியிடப்பட்டது எனவும் அமைச்சர் நிதின் கட்கரி நினைவூட்டினார்.