Economic Survey: பொருளாதார ஆய்வறிக்கை என்றால் என்ன? ஒரு சுவாரஸ்ய வரலாறு!

நாளை (ஜனவரி 31) நாடாளுமன்றத்தில் பொருளாதார ஆய்வறிக்கை தாக்கல் செய்யப்பட இருக்கிறது. இந்த பொருளாதார ஆய்வறிக்கை என்றால் என்ன? அதன் முக்கியத்துவத்தை பற்றி பார்க்கலாம்.

நாடாளுமன்றத்தில் மத்திய பட்ஜெட் தாக்கல் செய்யப்படுவதற்கு முந்தைய தினம் பொருளாதார ஆய்வறிக்கை (Economic Survey) தாக்கல் செய்யப்படும். இவ்வகையில், பிப்ரவரி 1ஆம் தேதி பட்ஜெட் தாக்கல் செய்யப்பட உள்ள நிலையில், நாளை ஜனவரி 31 பொருளாதார ஆய்வறிக்கை தாக்கல் செய்யப்பட இருக்கிறது.

இந்த பொருளாதார ஆய்வறிக்கை மத்திய அரசுக்கான தலைமை பொருளாதார ஆலோசகரால் தயாரிக்கப்படும். பொருளாதார ஆய்வறிக்கை நிதியமைச்சகத்தின் மிக முக்கியமான ஆவணங்களில் ஒன்று. ஆண்டு பொருளாதார வளர்ச்சி, குறுகிய கால மற்றும் நடுத்தர கால பொருளாதார வளர்ச்சி கணிப்பு உள்ளிட்டவற்றை பொருளாதார ஆய்வறிக்கை வழங்குகிறது.

கஷ்ட காலம்பா.. வேலை இழப்பு.. வருமானம் குறைவு.. பட்ஜெட்டை நம்பி இருக்கும் இந்திய குடும்பங்கள்!
சுருக்கமாக சொன்னால், நாட்டின் பொருளாதார சூழலை காட்டுவதே பொருளாதார ஆய்வறிக்கை. பொதுமக்களுக்கு நாட்டின் பொருளாதார நிலையை காட்டுவதற்காக பொருளாதார ஆய்வறிக்கை தாக்கல் செய்யப்படுகிறது. மத்திய பட்ஜெட் தயாரிப்பதற்கும் ஒரு முக்கிய ஆவணமாக பொருளாதார ஆய்வறிக்கை தேவைப்படுகிறது.

பொருளாதார ஆய்வறிக்கை இந்திய அரசுக்கான தலைமை பொருளாதார ஆலோசகர் கண்காணிப்பில் தயாரிக்கப்படுகிறது. பின்னர் நாடாளுமன்றத்தில் நிதியமைச்சகத்தால் பொருளாதார ஆய்வறிக்கை தாக்கல் செய்யப்படுகிறது.

முதல் பொருளாதார ஆய்வறிக்கை

1950-51ஆம் ஆண்டில் முதல்முதலாக பொருளாதார ஆய்வறிக்கை கொண்டுவரப்பட்டது. 1964ஆம் ஆண்டு வரை மத்திய பட்ஜெட்டுடன் சேர்த்தே பொருளாதார ஆய்வறிக்கை தாக்கல் செய்யப்பட்டு வந்தது. அதற்கு பிறகு பட்ஜெட் தாக்கல் செய்யப்படுவதற்கு முந்தைய தினம் பொருளாதார ஆய்வறிக்கை தனியாக தாக்கல் செய்யப்பட்டு வருகிறது.


பட்ஜெட்

பட்ஜெட் செய்திகள்

வரி சேமிப்பு

வருமான வரி கால்குலேட்டர்

பட்ஜெட் கேள்வி பதில்கள்

வருமான வரி