FRBM சட்டம் என்றால் என்ன? நீங்கள் கட்டாயம் தெரிந்துகொள்ள வேண்டிய தகவல்!

FRBM சட்டம் என்றால் என்ன? எப்போது இயற்றப்பட்டது? அதன் நோக்கங்கள் என்ன? நிதிப் பற்றாக்குறை என்றால் என்ன? பட்ஜெட் தொடர்பாக நீங்கள் நிச்சயமாக தெரிந்துகொள்ள வேண்டிய தகவல்கள்.

Samayam Tamil 26 Jan 2021, 11:16 pm

FRBM சட்டம் என்றால் என்ன?
Samayam Tamil

FRBM (Fiscal Responsibility and Budget Management) சட்டம் 2003 என்பது, பொருளாதாரத்தில் அரசுக்கு நிதி ஒழுக்கத்தை ஏற்படுத்தவும், பொது நிதியை நேர்த்தியாக நிர்வகிக்கவும், நிதிப் பற்றாக்குறையை குறைக்கவும் இலக்கு நிர்ணயிக்கிறது.
இந்த சட்டம் எப்போது இயற்றப்பட்டது?
2000ஆம் ஆண்டில் அப்போதைய நிதியமைச்சர் யஷ்வந்த் சின்ஹா FRBM மசோதாவை அறிமுகப்படுத்தினார். இந்தியாவின் நிதி மேலாண்மையில் வெளிப்படைத்தன்மையை கொண்டு வர இம்மசோதா கொண்டுவரப்பட்டது. 2003ஆம் ஆண்டில் சட்டமாக இயற்றப்பட்டது.
இச்சட்டத்தின் முக்கிய நோக்கம் என்ன?
நிதிப் பற்றாக்குறையை குறைக்க அரசுக்கு இலக்கு நிர்ணயிப்பதே இச்சட்டத்தின் முக்கிய நோக்கம்.
எப்போதெல்லாம் இந்த சட்டத்தை தளர்த்தலாம்?
இயற்கை பேரிடர்கள், தேசிய பாதுகாப்பு சிக்கல்கள் போன்ற சூழல்களில் இச்சட்டத்தின் விதிமுறைகளை தளர்த்திக்கொள்ளலாம். அதுபோன்ற சூழல்களில் அரசு தனது வருடாந்திர நிதிப் பற்றாக்குறை இலக்கில் இருந்து விலகிக்கொள்ளலாம்.
நிதிப் பற்றாக்குறை என்றால் என்ன?
அரசின் ஒட்டுமொத்த வருமானத்துக்கும், ஒட்டுமொத்த செலவினத்துக்கும் இடையேயான வேறுபாடுதான் நிதிப் பற்றாக்குறை எனப்படுகிறது. நிதிப் பற்றாக்குறை தொடர்ந்து அதிகரித்தால் அரசு தனது எல்லைக்கு மீறி செலவு செய்கிறது என பொருள்.

FRBM சட்டம் என்றால் என்ன? நீங்கள் கட்டாயம் தெரிந்துகொள்ள வேண்டிய தகவல்!

அடுத்த செய்தி