இடைக்கால பட்ஜெட் என்றால் என்ன? உங்களுக்கே தெரியாத தகவல்கள்!

இடைக்கால பட்ஜெட் என்றால் என்ன, அதன் தேவை மற்றும் இதர அம்சங்களை பற்றி பார்க்கலாம்.

Samayam Tamil 19 Jan 2021, 10:49 pm

பட்ஜெட்டின் முக்கிய ஆவணங்கள் என்ன?
Samayam Tamil

பட்ஜெட்டின் மைய ஆவணம் வருடாந்திர நிதி அறிக்கை என்று அழைக்கப்படுகிறது. இதுதான் பட்ஜெட்டின் பிரதான ஆவணம். அரசியலமைப்புச் சட்டம் பிரிவு 112 கீழ் ஒவ்வொரு நிதியாண்டுக்கான வருவாய் மற்றும் செலவினத்துக்கான மதிப்பீடுகளை நாடாளுமன்றத்தில் அறிக்கையாக தாக்கல் செய்ய வேண்டும். இந்த அறிக்கைதான் நிதி அறிக்கை எனப்படுகிறது.
பட்ஜெட் எப்படி உருவாக்கப்படுகிறது?
நிதியமைச்சகம் மற்றும் செலவு செய்யும் அமைச்சகங்களும் இணைந்து கணக்கிட்டு பட்ஜெட் தயார் செய்யப்படுகிறது. இதுதான் பட்ஜெட்டின் ஆரம்பகட்ட பணி.
இடைக்கால பட்ஜெட் என்றால் என்ன?
முழு பட்ஜெட்டை தாக்கல் செய்ய அரசுக்கு காலம் போதாமல் இருந்தால் இடைக்கால பட்ஜெட் தாக்கல் செய்யப்படும். பெரும்பாலும், பொதுத் தேர்தல் காரணமாக இடைக்கால பட்ஜெட் தாக்கல் செய்யப்படும். தேர்தலுக்கு பிறகு வரும் புதிய அரசு முழு பட்ஜெட்டை தாக்கல் செய்யும்.
இடைக்கால பட்ஜெட் கட்டாயமா?
இடைக்கால பட்ஜெட் கட்டாயம் இல்லை. இடைக்கால பட்ஜெட்டை தாக்கல் செய்யலாமா வேண்டாமா என்பதை அரசு முடிவு செய்துகொள்ளலாம். எனினும், தேர்தல் ஆண்டின்போது எல்லா அரசுகளுமே வழக்கமாக இடைக்கால பட்ஜெட் தாக்கல் செய்து வருகின்றன.
Vote-on-account என்றால் என்ன?
இடைக்கால பட்ஜெட்டின் மூலமாக நாடாளுமன்றத்தில் vote-on-account தாக்கல் செய்யப்படும். இதன்படி, தேர்தல் வரை அரசின் செலவுகளை கையாள அரசுக்கு தற்காலிக அனுமதி அளிக்கப்படும். இந்த அனுமதி இரண்டு மாதம் வரை செல்லுபடியாகும். தேவைப்பட்டால் நீட்டித்துக்கொள்ளலாம்.
பாப்புலிஸ்ட் பட்ஜெட் என்றால் என்ன?
மக்களுக்கு உதவுவதற்காக அறிவிக்கப்படும் சில திட்டங்களால் பொருளாதாரத்துக்கு நேர்மறையான தாக்கம் இருக்காது. இத்தகைய திட்டங்களுக்கு செலவிடுவதற்கு பாப்புலிஸ்ட் பட்ஜெட் உதவுகிறது. உதாரணமாக, விவசாய கடன் தள்ளுபடி, பயிர் கொள்முதல் விலை உயர்வு போன்றவை.

இடைக்கால பட்ஜெட் என்றால் என்ன? உங்களுக்கே தெரியாத தகவல்கள்!

இடைக்கால பட்ஜெட் என்றால் என்ன, அதன் தேவை மற்றும் இதர அம்சங்களை பற்றி பார்க்கலாம்.

அடுத்த செய்தி