நிதிப்பற்றாக்குறை 3.3ஆக இருக்கும்: அருண் ஜெட்லி

நடப்பு நிதியாண்டுக்கான (2-18-2019) நிதிப் பற்றாக்குறை 3.3 சதவீதமாக இருக்கும் என்று நிதியமைச்சர் அருண் ஜெட்லி தெரிவித்துள்ளார்.

இன்றைய பட்ஜெட் தாக்கலின்போது அருண் ஜெட்லி கூறுகையில், ''வரும் மார்ச் 31ஆம் தேதியுடன் முடிவடையும் நிதியாண்டில் நிதிப்பற்றாக்குறை முதலில் 3.2 ஆக இருக்கும் என்று கணிக்கப்பட்டது. இது தற்போது, 3.5 சதவீதமாக இருக்கும்.

நடப்பு 2018-2019 ஆம் ஆண்டுக்கான நிதியாண்டில் நிதிப்பற்றாக்குறை 3.3 சதவீதமாக இருக்கும். கடந்த 2014-2015ஆம் ஆண்டில் நிதிப்பற்றாக்குறை 4.1 சதவீதமாக இருந்தது. இது 2015-2016ஆம் ஆண்டில் 3.9 சதவீதமாக குறைக்கப்பட்டது. 2016-2017ஆம் ஆண்டில் 3.5 சதவீதமாக குறைக்கப்பட்டது. நாட்டின் இறையாண்மையை காட்டுவதே நிதிப் பற்றாக்குறை தான். அது குறைந்துள்ளது'' என்றார்.