Corporate Tax: கார்பரேட் வரி 30%ல் இருந்து 25%மாக குறைப்பு!!

ரூ. 250 கோடிக்கு மேல் ஆண்டு வர்த்தகம் செய்யும் கார்பரேட் நிறுவனங்களின் வரி 30 சதவீதத்தில் இருந்து 25 சதவீதமாக குறைக்கப்பட்டுள்ளது.

மத்திய நிதியமைச்சர் இன்று தாக்கல் செய்த 2018-2019ஆம் ஆண்டுக்கான பட்ஜெட்டில் நிறைய எதிர்பார்ப்புகள் இருந்தன. ஆனால், அனைவரின் எதிர்ப்பர்ப்புகளை பூர்த்தி செய்யவில்லை என்ற கருத்துக்கள் எழுந்துள்ளன.

குறிப்பாக கார்பரேட் நிறுவனங்களின் வரி 30 சதவீதத்தில் இருந்து 25 சதவீதமாக குறைக்கப்படும் என்ற ஏதிர்பார்ப்பு இருந்தது. கடந்த 2015 ஆம் ஆண்டு பட்ஜெட்டிலேயே கார்பரேட் நிறுவனங்களின் வரி 30%ல் இருந்து 25%மாக குறைக்கப்படும் என்று கூறப்பட்டு இருந்தது. இந்த வாக்குறுதியை காப்பாற்றும் வகையில் இன்று அறிவிப்பும் வெளியானது.

அதாவது ரூ. 250 கோடிக்கு மேல் ஆண்டு வர்த்தகம் செய்யும் கார்பரேட் நிறுவனங்களின் வரி 30 சதவீதத்தில் இருந்து 25 சதவீதமாக குறைக்கப்பட்டுள்ளது. இது கடந்தாண்டில் ரூ. 50 கோடியாக இருந்தது.

இன்றைய தாக்குதலின் பட்ஜெட் தாக்குதலின்போது அருண் ஜெட்லி கூறுகையில், ''7,000 நிறுவனங்கள் 25 சதவீத வரிக்குள் வருகிறது. அரசின் இந்த முடிவால் ரூ. 7,000 கோடி வருவாய் இழப்பு ஏற்படும். மொத்த வருவாய்க்கு அளித்து வந்த கார்பரேட் நிறுவனங்களின் வரி கடந்த 2014-2015ஆம் ஆண்டில் 34.45 சதவீதமாக இருந்தது. இது 2017-2018ஆம் ஆண்டில் 28.18 சதவீதமாக குறைந்துள்ளது'' என்றார்.