49 பொருட்களுக்கு அதிரடி வரி குறைப்பு; மத்திய அரசு அறிவிப்பு

ஜிஎஸ்டி கவுன்சிலின் 25வது ஆலோசனைக் கூட்டத்தில் 29 வகையான கைவினைப் பொருட்களுக்கு 12-18 சதவிதமாக உள்ள வரியை முழுமைாக நீக்க முடிவு செய்யப்பட்டுள்ளது. மேலும், 49 வகையான பொருட்களுக்கு ஜிஎஸ்டி வரி மாற்றியமைக்கப்பட்டுள்ளதாக மத்திய நிதியமைச்சர் அருண் ஜெட்லி தெரிவித்தார்.

28% இருந்த ஜிஎஸ்டி, 18% ஆக குறைக்கப்பட்ட பொருட்கள்

பயன்படுத்தப்பட்ட மோட்டார் வாகனங்கள், பயோ எரிசக்தியில் இயங்கும் பொது போக்குவரத்து பேருந்துகளுக்கு ஆகியவற்றுக்கு, 28% இருந்த ஜிஎஸ்டி தற்போது 18% ஆக குறைக்கப்பட்டுள்ளது.


18% இருந்த ஜிஎஸ்டி, 12% ஆக குறைக்கப்பட்ட பொருட்கள்

வேளாண்மை உரங்கள், பாஸ்பரிக் ஆசிட், சொட் நீர் பாசன கருவிகள், சர்க்கரை பயன்படுத்தி செய்யப்பட்ட சாக்லேட்டுக்கள், பயோ டீசல், 20 லிட்டர் குடிநீர் கேன் ஆகியவற்றுக்கு, 18% இருந்த ஜிஎஸ்டி தற்போது 12% ஆக குறைக்கப்பட்டுள்ளது.


18% இருந்த ஜிஎஸ்டி, 5% ஆக குறைக்கப்பட்ட பொருட்கள்

செயற்கைகோள் ராக்கெட்டுக்களுக்கான உதரி பாகங்கள், மெகந்தி கோன், தனியார் நிறுவனங்களின் சமையல் எரிவாயு சிலிண்டர், தொழில்நுட்ப கருவிகள் ஆகியவற்றுக்கு, 18% இருந்த ஜிஎஸ்டி தற்போது 5% ஆக குறைக்கப்பட்டுள்ளது.


5% இருந்த ஜிஎஸ்டி முழு வரி விலக்கு அளிக்கப்பட்ட பொருட்கள்

அரிசி, தவிடு உள்ளிட்ட பொருட்களுக்கு 5% ஜிஎஸ்டி இருந்தது. இந்நிலையில், தற்போது இதற்கு முழு வரிவிலக்கு அளிக்கப்பட்டுள்ளது.

5% இருந்த ஜிஎஸ்டி 0.25% ஆக குறைக்கப்பட்ட பொருட்கள்

ஆபரணங்கள், விலையுர்ந்த கற்கள், வைரம் ஆகியவற்றுக்கு, 5% இருந்த ஜிஎஸ்டி தற்போது 0.25% ஆக குறைக்கப்பட்டுள்ளது.

12% இருந்த ஜிஎஸ்டி 18% ஆக உயர்த்தப்பட்ட பொருட்கள்

சிகரெட்டுக்களுக்கு உண்டான பில்டர்-க்கு வரி 12% ஆக இருந்த நிலையில், தற்போது அதன் வரி 18% ஆக உயர்த்தப்பட்டுள்ளது.