Gold Silver Tax: தங்கம், வெள்ளி விலை உயரப்போகுது.. நகை வாங்குவோர் தலையில் விழுந்த இடி!

இன்று 2023-24ஆம் நிதியாண்டுக்கான பட்ஜெட் அறிக்கையை நாடாளுமன்றத்தில் நிதியமைச்சர் நிர்மலா சீதாராமன் தாக்கல் செய்தார். இதில் வருமான வரி, சேமிப்பு திட்டங்கள், புதிய திட்டங்கள், சீனியர் சிட்டிசன்கள் என பல தரப்பினருக்கான அறிவிப்புகள் வெளியாகியுள்ளது.

இதுமட்டுமல்லாமல் தங்க நகைகள் மீதான வரியை உயர்த்துவதாகவும் நிதியமைச்சர் நிர்மலா சீதாராமன் அறிவித்துள்ளார். இதனால் பெண்கள், நகை வாங்குவோருக்கு கூடுதல் செலவுகள் ஏற்படும் என எதிர்பார்க்கப்படுகிறது.

தங்கம் மற்றும் பிளாட்டினம்

ஏற்கெனவே தங்கம் மற்றும் பிளாட்டினம் மீதான சுங்க வரியை மத்திய அரசு உயர்த்தியுள்ளது. இந்நிலையில், தற்போது தங்கம் மற்றும் பிளாட்டினத்தால் செய்யப்படும் நகைகள் மற்றும் இதர ஆபரணங்களுக்கும் சுங்க வரி உயர்த்தப்படுவதாக பட்ஜெட்டில் நிதியமைச்சர் நிர்மலா சீதாராமன் தெரிவித்துள்ளார்.

எனவே, இறக்குமதி செய்யப்படும் தங்க நகைகள், பிளாட்டினம் ஆபரணங்களுக்கும் இனி அதிக சுங்க வரி விதிக்கப்படும். இதனால் இப்பொருட்களின் விலை மேலும் உயரக்கூடும்.

Mahila Samman Savings Certificate: மகிளா சம்மான் சேமிப்பு சான்றிதழ்.. பெண்களுக்கு வந்தாச்சு புதிய சிறு சேமிப்பு திட்டம்!
வெள்ளி

இதுமட்டுமல்லாமல் வெள்ளி நகைகள், ஆபரணங்கள், வெள்ளிக் கட்டிகள் மீதான இறக்குமதி வரியும் உயர்த்தப்படுவதாக பட்ஜெட்டில் நிதியமைச்சர் நிர்மலா சீதாராமன் அறிவித்துள்ளார்.

விலை உயரும் பொருட்கள்

இறக்குமதி வரி உயர்வின் விளைவாக தங்கம், வெள்ளி, பிளாட்டினம் ஆகிய விலையுயர்ந்த பொருட்களால் செய்யப்பட்ட ஆபரணங்கள், கட்டிகளின் விலை மேலும் உயரப்போகிறது.