விவசாயிகளுக்கான பட்ஜெட்: கமல் மகிழ்ச்சி

சென்னை: மத்திய பட்ஜெட் 2018-19ல் அரசின் கடைக்கண் பார்வை விவசாயிகள் பக்கம் திரும்பியுள்ளதாக கமல்ஹாசன் விமர்சித்துள்ளார்.

ஹார்வர்டு பல்கலைக்கழகத்தில் பிப்ரவரி 10ம் தேதி நடைபெறும் இந்தியக் கருத்தரங்கில் கமல் உரையாற்றுகிறார். இதற்காக அமெரிக்கா செல்ல இன்று சென்னை விமான நிலையம் வந்த கமல்ஹாசன், நிருபர்களுக்குப் பேட்டி அளித்தார்.

அப்போது, “மத்திய பட்ஜெட்டில் அரசின் கடைக்கண் பார்வை கிராமப் புறங்களுக்கும் விவசாயிகளுக்கும் கிடைத்திருப்பது மனதுக்கு சற்று இதமாக உள்ளது. நடுத்தர வர்த்தகத்திற்கு பாராமுகம் காட்டிவிட்டது. பட்ஜெட்டில் தமிழகம் புறக்கணிக்கப்பட்டதாகக் கூற முடியாது.” என்று தெரிவித்தார்.

அறிஞர்களுடன் ஆலோசித்துவிட்டு பட்ஜெட் குறித்த தன் கருத்தை இன்னும் தெளிவாகச் சொல்ல முடியும் என்றும் அவர் குறிப்பிட்டார்.