Income Tax Limit Budget 2019:5 லட்சம் வரை ஆண்டு வருமானம் ஈட்டுபவர்களுக்கு வருமான வரி விலக்கு

வருமான வரி உச்சவரம்பு 2.50 லட்சம் முதல் 5 லட்சம் வரை உயர்வு. நடப்பு ஆண்டு மார்ச் மாதத்தில் இருந்து ரூபாய் 5 லட்சம் வரை ஆண்டு சம்பளம் வாங்குபவர்கள் எந்த வரியும் செலுத்த வேண்டாம் என்று அறிவித்தார் பியூஷ் கோயல். மேலும் காப்பீடு, வீட்டு கடன் வட்டி போன்றவற்றை கட்டுவோர், 6.50 லட்சம் வரை ஆண்டு சம்பளம் வாங்குபவர்களாக இருந்தாலும் வரி செலுத்த வேண்டாம் என்றார்.

5 லட்சம் வரை ஆண்டு வருமானம் ஈட்டுபவர்களுக்கு வருமான வரி விலக்கு அளிக்கப்பட்டுள்ளது. இதற்கு நாடாளுமன்றத்தில் மோடி ஆதரவாளர்கள் அதீத வரவேற்பு அளித்தனர். இதனால் நடுத்தர வர்க்க மக்கள் பலனடைவர் என கூறப்படுகிறது.

வருமான கழிவு கடந்த பட்ஜெட்டில் 40,000 ரூபாயாக இருந்தது. இது தற்போது 50,000 ரூபாய் ஆகியுள்ளது. இதனால் மூன்று கோடி பேர் பலனைடைகிறார்கள். வருமானம் 6.5 லட்சம் இருந்தால் அவர்கள் முதலீடு செய்யும்போது வருமான வரி கிடையாது.