பட்ஜெட்: வருமான வரியில் என்ன மாற்றம்? யாருக்கு பாதிப்பு?

2021-22 மத்திய பட்ஜெட்டை நிதியமைச்சர் நிர்மலா சீதாராமன் பிப்ரவரி 1ஆம் தேதி தாக்கல் செய்தார். இந்த பட்ஜெட்டில் வருமான வரி வரம்புகளில் எந்த மாற்றமும் செய்யப்படவில்லை. எனவே பெரும்பாலான மக்களுக்கு வருமான வரி ரீதியாகப் பெரிய தாக்கம் எதுவும் ஏற்படவில்லை. ஆனால், அதிகமாக இருப்பவர்களுக்கும் VFF பங்களிப்பு செய்வோருக்கும் பின்னடைவு ஏற்படும் என்று கூறப்படுகிறது. ஏனெனில், வருடத்துக்கு ரூ.2.5 லட்சத்துக்கு மேல் பிஎஃப் பங்களிப்பு செய்தால் கூடுதல் தொகைக்குக் கிடைக்கும் வட்டிப் பணத்துக்கு வரி செலுத்த வேண்டும்.

உதாரணமாக, உங்களது ஆண்டு வருமானம் ரூ.50 லட்சம் என்றால், அதில் பாதி அதாவது ரூ.25 லட்சம் அடிப்படை ஊதியம். உங்களது பிஎஃப் பங்களிப்பு 12 சதவீதம் என்றால் மொத்தம் ரூ.3 லட்சம். இதற்கு முன்னர் இதற்கான வட்டிப் பணத்துக்கு வரி கிடையாது. ஆனால், இப்போது ரூ.2.5 லட்சத்துக்கு மேல் பிஎஃப் பங்களிப்புக்கு வரி செலுத்த வேண்டும். அதாவது ரூ.50,000க்கு நீங்கள் 8.5 சதவீத பிஎஃப் வட்டியில் ரூ.4,250 வரி செலுத்த வேண்டும்.

பிப்ரவரி முதல் இதெல்லாம் மாறப்போகுது!!

மற்றொரு உதாரணமாக, உங்களது ஆண்டு வருமானம் ரூ.1 கோடி மற்றும் அடிப்படை ஊதியம் ரூ.50 லட்சம் என்றால், உங்களது பிஎஃப் பங்களிப்பு 12 சதவீதத்தில் ரூ.6 லட்சம். எனவே ரூ.3.5 லட்சத்துக்கு நீங்கள் ரூ.29,750 வரி செலுத்த வேண்டும். எனவே, மாதத்துக்கு ரூ.20,833 வரை பிஎஃப் பங்களிப்பு கொண்டவர்கள் இதனால் பாதிக்கப்படமாட்டார்கள். அதைத் தாண்டி பிஎஃப் பங்களிப்பு செய்பவர்கள் வரி விதிப்புக்கு ஆளாவார்கள். மாதத்துக்கு ரூ.1,73 லட்சம் வரையில் அடிப்படை ஊதியம் கொண்டவர்களுக்குப் பிரச்சினை இல்லை. பிஎஃப் போன்ற மற்ற பங்களிப்புகளுக்கும் இதேபோன்ற கணக்கீடு பொருந்தும்.