பட்ஜெட் 2018: திருப்தி அளிக்கவில்லை சமயம் கருத்து கணிப்பு முடிவுகள்

2018-19ம் ஆண்டுக்கான மத்திய பட்ஜெட் அறிவிப்புகள் திருப்பதியளிக்கவில்லை என்று 72.5% மக்கள் ஃபேஸ்புக் வாயிலாக வாக்களித்துள்ளனர்.

2018-19ம் ஆண்டுக்கான மத்திய பட்ஜெட் அறிவிப்புகளை மத்திய நிதியமைச்சர் அருண் ஜெட்லி நாடாளுமன்றத்தில் வெளியிட்டார். துவக்கம் முதலே, இந்த அறிவிப்புகள் கார்ப்பரேட் கம்பெனிகளுக்கு சாதகமாக இருப்பதாகவும் நடுத்தர மற்றும் ஏழை மக்களுக்கு எதிராக இருப்பதாகவும் குற்றச்சாட்டுக்கள் எழுந்தன.

இதையடுத்து தமிழ் சமயம், பட்ஜெட் 2018 அறிவிப்புகள் திருப்தியளிக்கும் வகையில் உள்ளதா என்று தனது ஃபேஸ்புக் வாயிலாக நேரலையில் கருத்துகணிப்பு நடத்தியது. இதில் பல பேர் தங்களது கருத்துக்களையும், வேதனைகளையும் பதிவு செய்தனர். இதன் முடிவுகள் தற்போது கணக்கிடப்பட்டுள்ளன.

அதன்படி, வாக்களித்த மக்களில், மத்திய பட்ஜெட் அறிவிப்புகள் திருப்பதியளிக்கவில்லை என்று 72.5 பேர் கூறியுள்ளனர். 27.4 சதவீத மக்கள் மட்டுமே திருப்தி அளிப்பதாக கூறியுள்ளனர்.