சிறிய பொதுத்துறை வங்கிகளை மூட திட்டம்?

நாடு முழுவதும் உள்ள 15 சிறு பொதுத்துறை வங்கிகளை மூடுவதற்கு மத்திய அரசு முடிவு செய்துள்ளதாக தகவல் வெளியாகியுள்ளது.

சில மாதங்களுக்கு முன் ஸ்டேட் வங்கியின் 5 துணை வங்கிகள் மூடப்பட்டன. அவை ஸ்டேட் வங்கியுடன் இணைக்கப்பட்டுள்ளன. இதே போல, மேலும் 15 சிறு பொதுத்துறை வங்கிகள் மூடப்படலாம் என்று கூறப்படுகிறது.

மூடப்படும் வங்கிகள் 5 பெரிய பொதுத்துறை வங்கிகளுடன் ஐக்கியமாகும் என்றும் தகவல் வெளியாகியிருக்கிறது. இதனால் மூட்டப்படும் வங்கிகளில் கணக்கு வைத்திருப்பவர்களுக்கு எந்த பிரச்னையும் வராது என்றும் கூறப்படுகிறது.

ஆனால், இது தவறான தகவல் என்றும் இப்போதைக்கு இப்படி எந்த முடிவும் எடுக்கவில்லை என்றும் அனைத்து இந்திய வங்கி ஊழியர் அமைப்பின் பொதுச்செயலர் வெங்கடாசலம் தெரிவித்துள்ளார்.