ரயில் பயணிகளுக்கு ஒரு முக்கியச் செய்தி.. உங்கள் புக்கிங் நிலவரம் பற்றி தெரியுமா?

இந்திய ரயில்வேத்துறை 2 தினங்களுக்கு ஒருமுறை ரயில்களை பராமரிப்பு காரணங்களுக்கு ரத்து செய்வது பயணிகளுக்கு சற்று சிரமத்தை ஏற்படுத்தியுள்ளது. இன்று தொடர்மழை மற்றும் புயல் காரணமாகவும் ரயில்கள் கேன்சல் செய்யப்பட்டுள்ளன. அதில் உங்கள் பயண ரயில் உள்ளதா, இல்லையா என்பதைப் பற்றி இதில் காணுலாம்.

ரயில் பயணத்தை நம்பித்தான் பலரின் தினசரி வேலை உள்ளது. ரயில் பயணம் செய்ய நினைப்பவர்கள் அவர்கள் செல்லும் வழித்தடத்தில் எந்தெந்த ரயில்கள் ஓடுகின்றன, அன்றைய நாளில் எந்தெந்த ரயில்கள் ரத்து செய்யப்பட்டுள்ளன என்று முன்கூட்டியே தெரிந்துகொள்வது நல்லது. இதன் மூலம் சிரமம் இல்லாமல் விரும்பிய இடத்துக்கு விரும்பிய ரயிலில் முன்பதிவு செய்து பயணிக்க முடியும்.

இந்தியாவில் வாகனப் போக்குவரத்துக்கு இணையாக ரயில் போக்குவரத்தை நம்பி பயணம் செய்வோர் எண்ணிக்கைதான் அதிகம். அதிலும் சென்னை, மும்பை, கொல்கத்தா, டெல்லி போன்ற நகரங்களில் ஆயிரக்கணக்கானோர் தினமும் பயணம் செய்கின்றனர்.

இந்திய ரயில்வே செயல்பாடு மற்றும் பராமரிப்பு உள்ளிட்ட பல்வேறு காரணங்களால் இந்திய ரயில்வேயால் டிசம்பர் 10,2022 இன்று 226 ரயில்கள் ரத்து செய்யப்பட்டுள்ளது என ரயில்வே துறை தெரிவித்துள்ளது.

ரயில்வே துறை, IRCTC இணையதளத்தில் சமீபத்திய அறிவிப்பின்படி, இன்று புறப்பட வேண்டிய 226 ரயில்கள் முழுவதுமாக ரத்து செய்யப்பட்டுள்ளதாக அறிவித்துள்ளது.

முழுவதுமாக ரத்து செய்யப்பட்ட ரயில்களின் பட்டியல் குறித்துத் தெரிந்துகொள்வதற்குக் கீழே உள்ள லிங்க்கை கிளிக் செய்து பார்க்கவும்.

https://www.irctchelp.in/cancelled-trains-list/

உங்கள் ரயில் ரத்து செய்யப்பட்டதா என்பதைச் சரிபார்ப்பது எப்படி:

1. முதலில் https://www.indianrail.gov.in/enquiry/StaticPages/StaticEnquiry.jsp?StaticPage=index.html லிங்கிள் சென்று உங்கள் பயணத்தின் தேதியைத் தேர்ந்தெடுக்கவும்.

2. அதன்பின் திரையின் மேல் பேனலில் உள்ள விதிவிலக்கான ரயில்களைத் தேர்ந்தெடுக்கவும்

3. ரத்து செய்யப்பட்ட ரயில்கள் விருப்பத்தை கிளிக் செய்யவும்

4. அதில் தேவைக்கேற்ப நேரம், வழித்தடங்கள் மற்றும் பிற விவரங்களுடன் ரயில்களின் முழுப் பட்டியலைப் பார்க்க முழுமையாகவோ அல்லது பகுதியாகவோ விருப்பத்தைத் தேர்ந்தெடுக்கவும்

ரயில் பயணிகள், ரயில்களின் அட்டவணைகள், வருகை மற்றும் புறப்படும் நேரம் போன்ற முழுமையான விவரங்களைச் சரிபார்க்க அதிகாரப்பூர்வ தளத்தைப் பார்வையிடலாம். மேலும் ஏதேனும் கேள்விகள் இருந்தால், பயணிகள் மொபைல் செயலியான NTES ஐப் பதிவிறக்கம் செய்யலாம்.

இன்று பயணம் செய்வதற்குமுன் உங்கள் ரயில் குறித்து விவரங்களை செக் செய்து கொண்டு பயணிக்கவும். சிரமங்களைத் தவிர்க்கவும்.