நெல் விதைப்பு அமோகம்.. விவசாயிகள் பெரு மகிழ்ச்சி!

ரபி பருவ கால பயிர் வகைகள் உற்பத்தி சென்ற ஆண்டைக் காட்டிலும் 24.13 லட்சம் ஹெக்டேர் அளவிற்கு அதிகரித்துள்ளதாக மத்திய வேளாண் மற்றும் விவசாயிகள் நல்வாழ்வுத் துறை அமைச்சர் நரேந்திர சிங் தோமர் தெரிவித்துள்ளார்.

ரபி பருவ கால பயிர் வகைகளின் கையிருப்பு நிலை குறித்து துறை சார்ந்த அதிகாரிகளுடன் பேச்சுவார்த்தை நடத்திய அமைச்சர் நரேந்திர சிங் தோமர், கடந்த வருட கோதுமை உற்பத்தி 138.35 லட்சம் ஹெக்டேர் அளவில் இருந்து 152.88 லட்சம் ஹெக்டேர் அளவிற்கு உயர்ந்துள்ளதாகக் கூறினார். அதாவது கோதுமை உற்பத்தி 14.53 லட்சம் ஹெக்டேர் அளவிற்கு உயர்ந்துள்ளது. இது கடந்த 4 வருடங்களில் மிகப்பெரிய உற்பத்தி அளவு என்பது குறிப்பிடத்தக்கது.

ரபி பருவ கால பயிர் வகைகளின் உற்பத்தி 25.11.2022 வரையில் 358.59 லட்சம் ஹெக்டேர் அளவிற்கு உயர்ந்துள்ளது. கடந்த ஆண்டில் இதே காலகட்டத்தில் உற்பத்தியின் அளவு 334.46 லட்சம் ஹெக்டேர் அளவில் இருந்தது. அதாவது கடந்த ஆண்டைக் காட்டிலும் 24.13 லட்சம் ஹெக்டேர் அளவிற்கு அதிகமாக உற்பத்தி செய்யப்பட்டுள்ளது. இது வழக்கமான ரபி பருவ கால பயிர் வகைகளின் உற்பத்தி அளவில் சுமார் 57 சதவீதம் ஆகும்.

மண் ஈரப்பத நிலை, நீர்த்தேக்க வசதி மற்றும் உரங்களின் கையிருப்பு போன்ற காரணிகள் சாதகமான சூழ்நிலையில் அமைந்திருப்பதால், வரும் நாட்களில் ரபி பருவ கால பயிர் வகைகளின் உற்பத்தி அதிகரிக்கும் என்று நரேந்திர சிங் தோமர் நம்பிக்கை தெரிவித்துள்ளார்.

நாடு முழுவதிலும் உள்ள 143 முக்கிய நீர்த்தேக்கங்களின் கொள்ளளவு 149.49 பில்லியன் கன மீட்டர் அளவாகும். இது கடந்த காலத்தைவிட 106 சதவீதம் அதிகமாகும். கடந்த 7 ஆண்டுகளில் தற்போதுதான் மண் ஈரப்பத நிலை நல்ல பதத்தில் உள்ளது என்று கூறப்பட்டுள்ளது. மேலும், நாடு முழுவதிலும் உரங்களின் கையிருப்பு நிலையும் திருப்திகரமாக உள்ளதாக மத்திய வேளாண் அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.

இனி ரயில் டிக்கெட் கட்டாயம் கிடைக்கும்.. சூப்பர் வசதி வந்தாச்சு!

2022-23 ராபி பருவத்தில் கோதுமை விதைப்புப் பரப்பு 152.88 லட்சம் ஹெக்டேராக உயர்ந்துள்ளது. 2021-22 பவருத்தில் இதன் அளவு 138.35 லட்சம் ஹெக்டேராக இருந்தது. அதேபோல, நெல் விதைப்புப் பரப்பு 8.33 லட்சம் ஹெக்டேரில் இருந்து இந்த ஆண்டில் 9.14 லட்சம் ஹெக்டேராக அதிகரித்துள்ளது. எனினும், நிலக்கடலை விதைப்புப் பரப்பு சென்ற ஆண்டை விட இந்த ஆண்டில் கணிசமாகக் குறைந்துள்ளது. 2020-21ஆம் ஆண்டில் 2.10 லட்சம் ஹெக்டேராக இருந்த நிலக்கடலை விதைப்புப் பரப்பு 1.80 லட்சம் ஹெக்டேராகக் குறைந்துள்ளது.