உங்க சாப்பாடு சுத்தமா இருக்கா? ஆய்வில் திடுக்கிடும் தகவல்!

மத்திய சுகாதார குடும்பநல அமைச்சகத்தின் கீழ் செயல்படும் உணவுப் பாதுகாப்பு மற்றும் தரநிலைகள் ஆணையமானது நாம் உண்ணும் உணவின் பாதுகாப்புத் தன்மை, தரம் உள்ளிட்ட அம்சங்களில் பல்வேறு விதிமுறைகளையும் கட்டுப்பாடுகளையும் விதித்து, தரமான பாதுகாப்பான உணவு மக்களைச் சென்றடைவதில் தொடர்ந்து செயல்பட்டு வருகிறது.

இந்த அமைப்பு சார்பாக 2018-19 நிதியாண்டில் மொத்தம் 1.06 லட்சம் உணவு மாதிரிகள் ஆய்வுக்கு எடுத்துக்கொள்ளப்பட்டன. அதில் 3.7 சதவீத உணவு மாதிரிகள் பாதுகாப்பற்றவை என்று கண்டறியப்பட்டுள்ளது. மேலும், 15.8 சதவீத மாதிரிகள் தரநிலைக்குக் குறைவான அளவில் இருப்பதாகவும், 9 சதவீத மாதிரிகளில் லேபளிங் குறைபாடுகள் இருப்பதாகவும் தெரியவந்துள்ளது.

எத்தன பேருக்கு புதுசா வேலை கிடைச்சிருக்கு தெரியுமா?

இதற்கு முன்னர் 2017-18ஆம் ஆண்டில் ஆய்வுக்கு எடுத்துக்கொள்ளப்பட்ட மாதிரிகளின் எண்ணிக்கையை விட இம்முறை 7 சதவீதம் கூடுதலான மாதிரிகள் ஆய்வுக்கு உட்படுத்தப்பட்டன. மாநில அரசுகளின் கடுமையான நடவடிக்கைகளால் உணவுகளின் தரம் மேம்பட்டுள்ளதாக இந்த ஆய்வில் தெரிவிக்கப்பட்டுள்ளது.

ஜிஎஸ்டி வசூல்: நிராசையான அரசின் ஆசை!

தரமில்லாத பாதுகாப்பற்ற உணவு விநியோகத்துக்கு எதிரான கடுமையான நடவடிக்கைகளில் மாநில அரசுகளுடன் உணவுப் பாதுகாப்பு மற்றும் தரநிலைகள் ஆணையம் செயல்பட்டு வருகிறது. இதில் வழக்குகள் பதிவுசெய்யப்பட்டு, சம்பந்தப்பட்ட நபர்களுக்கு அபராதமும் விதிக்கப்படுகிறது. சென்ற ஆண்டில் மட்டும் இவ்வாறாக 12,727 பேருக்கு அபராதம் விதிக்கப்பட்டுள்ளது.

Gold Rate: தங்கம் வாங்குறவங்களுக்கு நல்ல செய்தி!

உணவுப் பாதுகாப்பு நடவடிக்கைகளில் உத்தரப் பிரதேசம், குஜராத், கேரளா, மத்தியப் பிரதேசம், பஞ்சாப், தமிழ்நாடு, பீகார், ஜம்மு & காஷ்மீர், டெல்லி, சண்டிகர் ஆகிய மாநிலங்கள் / யூனியன் பிரதேசங்கள் சிறப்பாகச் செயல்பட்டுள்ளன. மாறாக, சத்தீஷ்கர், இமாசலப் பிரதேசம், கர்நாடகா, அஸ்ஸாம், ஜார்கண்ட், ஒடிசா, ராஜஸ்தான் மேற்குவங்கம், தெலங்கானா, உத்தராகண்ட் ஆகிய மாநிலங்கள் மந்தமான செயல்பாட்டைக் கொண்டிருப்பதாகவும் இந்த ஆய்வில் தெரிவிக்கப்பட்டுள்ளது.