5 நாட்கள் அரசு வங்கிகளுக்கு தொடர் விடுமுறை..!

அடுத்த மாதம் தொடர்ந்து ஐந்து நாட்களுக்கு பொதுத்துறை வங்கிகளுக்கு விடுமுறை விடப்பட உள்ளது.

இந்திய பொதுத்துறை வங்கிகளுக்கு ஒவ்வொரு மாதமும் இரண்டாவது மற்றும் நான்காவது சனிக்கிழமைகளில் முழு நேரம் விடுமுறை விடப்படும் திட்டமானது சில மாதங்களுக்கு முன்பு அமலானது.

இந்நிலையில் வரும் அக்டோபர் 8-ஆம் தேதியானது அம்மாதத்தில் இரண்டாவது சனிக்கிழமையாக உள்ளது.அதனை தொடர்ந்து மறுநாளான 9-ஆம் தேதி ஞாயிற்றுக்கிழமையும் விடுமுறை தேதியாகும்.இதனை தொடர்ந்து 10-ஆம் தேதி ஆயுத பூஜையும்,11-ஆம் தேதி விஜயதசமியும்,12-ஆம் தேதி மொகரமும் வருகிறது.இவை அனைத்தும் அரசு விடுமுறைகளாகும்.

எனவே அக்டோபர் மாதம் 8-ஆம் தேதியிலிருந்து 12-ஆம் தேதி வரை தொடர்ந்து ஐந்து நாட்கள் விடுமுறை காரணமாக அரசு வங்கிகள் இயங்க முடியாத சூழல் ஏற்பட்டுள்ளது.எனவே அந்த நாட்களில் வங்கிகள் மூலம் நடைபெறும் பண பரிவர்த்தனைகள் பாதிப்படைவதோடு,ஏடிஎம்களில் பணப் பற்றாக்குறை ஏற்படும் நிலையும் ஏற்பட்டுள்ளது.