ஆபீஸ் வேண்டாம்... வீட்டில் இருந்தே வேலை!

இந்தியாவில் மார்ச் மாதம் முதலே கொரோனா பாதிப்பால் ஊரடங்கு அமலில் இருக்கிறது. முழு ஊரடங்கு அமல்படுத்தப்பட்ட போது தொழில் நிறுவனங்கள் அனைத்தும் இழுத்து மூடப்பட்டன. பொதுமக்கள் அனைவரும் வீடுகளுக்கு உள்ளேயே முடங்கிக் கிடந்தனர். சில நிறுவனங்கள் தங்களது ஊழியர்களை வீட்டிலிருந்தபடியே வேலைபார்க்க அனுமதித்தன. இது தொழிலாளர்களுக்கும் மிகவும் பயனுள்ளதாக இருந்தது. நிறுவனங்களுக்கும் அலுவலக வாடகை, மின் கட்டணம், உள்ளிட்ட செலவுகள் குறைவதால் வீட்டிலிருந்தே வேலைபார்க்கும் முறையைப் பெரும்பாலான நிறுவனங்கள் கடைபிடித்து வருகின்றன.

மற்ற நாடுகளில் வீட்டிலிருந்தே வேலைபார்க்கும் முறை பரவலாக இருக்கும் நிலையில் இந்தியாவிலும் கொரோனா ஊரடங்கைத் தொடர்ந்து இந்த நடைமுறை பிரபலமாகத் தொடங்கியுள்ளது. 88 சதவீத இந்தியர்கள் வீட்டிலிருந்தே வேலை பார்ப்பதையே விரும்புவதாக சாப் கான்கர் நிறுவனம் சார்பாக நடத்தப்பட்ட ஆய்வில் தெரிவித்துள்ளனர். அதேபோல, வீட்டிலிருந்து வேலை பார்ப்பதால் நிறுவனங்களின் உற்பத்தித் திறன் அதிகரித்துள்ளதாக 69 சதவீதத்தினர் இந்த ஆய்வில் கூறியுள்ளனர். வீட்டிலிருந்து வேலை பார்ப்பதால் அதிக நேரம் செலவிட முடிவதால் உற்பத்தித் திறனும் அதிகரிக்கிறது.

டிக்டாக் திரும்ப வருமா, வராதா? அரசுடன் பேச்சுவார்த்தை!

ஆசிய பசிபிக் பகுதிகளில் 2012 பேரிடமும், இந்தியாவில் 300 பேரிடமும் இந்த ஆய்வு நடத்தப்பட்டுள்ளது. உற்பத்தி, நிதிச் சேவைகள், சில்லறை வர்த்தகம், தொழில்நுட்பம் சுகாதாரம் உள்ளிட்ட துறைகளைச் சேர்ந்த தொழிலாளர்கள் இந்த ஆய்வில் பங்கெடுத்துள்ளனர். வீட்டிலிருந்தே வேலை பார்ப்பதில் சில சவால்களும் இருப்பதாக இந்த ஆய்வில் தெரிவிக்கப்பட்டுள்ளது. டிஜிட்டல் தொழில்நுட்ப வசதிகள் கிடைப்பதும் நிதி நிர்வாகம் மற்றும் மேலாண்மையிலும் சிக்கல்கள் இருப்பதாகக் கூறப்பட்டுள்ளது. நிறுவனங்களின் வரவு செலவு கணக்குகளை சில நிறுவனங்கள் டிஜிட்டல் முறையில் கையாளாமல் இருப்பதும் பின்னடைவாகப் பார்க்கப்படுகிறது.

ஈசியாக மொபைலில் PF பணம் எடுப்பது எப்படி?

குடும்ப ரீதியிலான தொந்தரவுகள், இணைய இணைப்பு ஊழியர்களுடன் முறையான தகவல் தொடர்பு இல்லாதது போன்ற பிரச்சினைகளும் வீட்டிலிருந்தே வேலை பார்ப்பதில் இருக்கிறது.