18 கோடி ஆண்டுகள் பழைய டைனோசர்.. எலும்புக்கூடு விலை மட்டும் இத்தனை கோடியா!

பழங்கால பொருட்கள், அரிய பொருட்கள், தங்கம், வைரத்தால் ஆன பழைய கலைப் பொருட்கள் போன்ற பொக்கிஷங்கள் மிக அதிக விலைக்கு ஏலங்களில் விற்பனையாவது வழக்கமாகிவிட்டது. இதேபோல, பழைய நாணயங்களும் மிக அதிக விலைக்கு அண்மைக்காலமாக விற்பனையாகி வருகின்றன.

இந்நிலையில், பல கோடி ஆண்டுகளுக்கு முன் வாழ்ந்த டைனோசரின் எலும்புக்கூடு பாரிஸ் நகரில் நடைபெறவுள்ள ஏலத்தில் விற்பனைக்கு வரவுள்ளது. இந்த டைனோசரின் தொல்லுயிர் எச்சம் சுமார் 6 லட்சம் டாலருக்கு விற்பனையாகும் என எதிர்பார்க்கப்படுகிறது. 6 லட்சம் டாலர் என்பது இந்திய ரூபாய் மதிப்பில் கிட்டத்தட்ட 5 கோடி ரூபாய்,

பாரிஸ் நகரில் Bonhams Cornette de Saint Cyr ஏல நிறுவனம் டிசம்பர் 13ஆம் தேதி ஏலம் ஒன்றை நடத்துகிறது. உலகளவில் மிக பழைமையான ஏல நிறுவனங்களில் ஒன்றான Bonhams Cornette de Saint Cyr நடத்தும் இரண்டாவது இயற்கை வரலாற்று ஏல நிகழ்வு இது என்பது குறிப்பிடத்தக்கது.

இதில் மிக அரிய டைனோசர்கள் மற்றும் தொல்லுயிர்களின் எச்சங்கள் விற்பனைக்கு வர இருக்கின்றன. குறிப்பாக 18 ஆண்டுகளுக்கு முன் வாழ்ந்த Ichthyosaurus Stenopterygius Longifrons வகை டைனோசர் இந்த ஏலத்தில் விற்பனைக்காக வருகிறது.

ஷாப்பிங்.. உணவுகள்.. செலவுகளுக்கு குட்பை.. பணத்தை சேமிக்க சூப்பர் டிப்ஸ்!
இந்த அரிய டைனோசரின் தொல்லுயிர் எச்சங்கள் பிரான்ஸ் நாட்டில் கண்டெடுக்கப்பட்டவை. இந்த டைனோசர் ஏறத்தாழ 80% முழுமை அடைந்துவிட்டது. சுமார் 4.2 லட்சம் டாலர் முதல் 6.30 லட்சம் டாலர் வரை இந்த டைனோசரின் தொல்லுயிர் எச்சம் விற்பனையாகும் என மதிப்பிடப்பட்டுள்ளது.

பல கோடிக்கணக்கான ஆண்டுகளுக்கு முன் வாழ்ந்த டைனோசர்களின் தொல்லுயிர் எச்சங்கள் பாறை படிவங்களுக்கு கீழே பல லட்சக்கணக்கான ஆண்டுகளாக இருப்பதால் அவற்றின் உருவமே தட்டையாகிவிடும். ஆனால், இந்த டைனோசரின் எச்சங்களோ இன்னும் முப்பரிமாணத்தில் உள்ளன. இதுபோன்ற அரிய எச்சத்தை கண்டெடுப்பது கடினம் என ஆய்வாளர்கள் கூறுகின்றனர்.

இந்த டைனோசர் பார்ப்பதற்கு ஒரு டால்பினை போலவே இருக்கிறது. ஆனால் இது நிலத்தில் வாழ்ந்த ஊர்வன டைனோசர் என ஆய்வாளர்கள் கூறுகின்றனர். இந்த அரிய டைனோசர் எச்சம் சுமார் 6 லட்சம் டாலருக்கு விற்பனையாகும் என எதிர்பார்க்கப்படுகிறது.

கடந்த சில ஆண்டுகளாக இதுபோல பல்வேறு அரிய தொல்லுயிர் எச்சங்கள் ஏலங்களில் பெரும் விலைக்கு விற்பனையாகியுள்ளது. இவற்றை பல தனியார் நபர்களே பெரும் விலை கொடுத்து வாங்கி செல்கின்றனர். ஆனால், வரலாற்று, அறிவியல் மதிப்பு கொண்ட தொல்லுயிர் எச்சங்களை மியூசியங்களில் வைக்க வேண்டுமே தவிர ஏலங்களில் விற்பனை செய்யக்கூடாது என ஆய்வாளர்கள் வலியுறுத்தி வருகின்றனர்.