இந்த அக்கவுண்ட் ஓப்பன் பண்ணுங்க... ரூ.1.30 லட்சம் கிடைக்கும்!

நாட்டிலுள்ள ஏழை, எளிய மக்களையும் வங்கிச் சேவைக்குள் கொண்டுவரும் நோக்கத்தில் 2014ஆம் ஆண்டில் பிரதமர் நரேந்திர மோடியால் பிரதான் மந்திரி ஜன் தன் யோஜனா என்ற திட்டம் கொண்டுவரப்பட்டது. இத்திட்டத்தின் கீழ் வங்கியில் கணக்கு இல்லாத சுமார் 7 கோடிப் பேருக்கு வங்கிக் கணக்கு தொடங்க இலக்கு நிர்ணயிக்கப்பட்டது. ஜன் தன் திட்டத்தின்கீழ் விவசாயிகளுக்கு கிஷான் அட்டைகளும் வழங்கப்படுகின்றன.

ஜன் தன் கணக்கின் சிறப்பம்சம் என்னவென்றால் உங்களது வங்கிக் கணக்கில் பணமே இல்லாவிட்டாலும் கூட நீங்கள் ரூ.5,000 வரையில் ஓவர் டிராஃப்ட் முறையில் பணம் எடுக்க முடியும். ஆனால் ஒரு குடும்பத்தின் ஒரு உறுப்பினர் மட்டுமே ஓவர் டிராஃப்ட் வசதியைப் பெற முடியும். ஜன் தன் திட்டத்தின் கீழ் கணக்கு திறக்கப்பட்ட நாளிலிருந்து ஆறு மாதங்களுக்குப் பிறகுதான் வாடிக்கையாளரால் இந்த வசதியைப் பெற முடியும்.

ஓவர் டிராஃப்ட் வசதியைப் பெறுவதற்கு ஜன் தன் கணக்கு வைத்திருப்பவர் பரிவர்த்தனைகளில் நல்ல ரெக்கார்டு வைத்திருக்க வேண்டும். கடன் மதிப்பீட்டில் பிரச்சினைகள் இருக்கக் கூடாது. முக்கியமாக ஜன் தன் கணக்கில் ஆதாரை இணைத்திருக்க வேண்டும். இந்த வங்கிக் கணக்குக்கு டெபிட் கார்டு வாங்கியிருக்க வேண்டும். அடிக்கடி பணப் பரிவர்த்தனையும் மேற்கொள்ளப்பட்டிருக்க வேண்டும்.

Fixed Deposit: விதிமுறைகள் மாற்றம்.. நீங்கள் தெரிந்துகொள்ள வேண்டியவை!
ஜன் தன் திட்டத்தின் கீழ் வங்கிக் கணக்கு தொடங்குவதற்கு ஆதார், பாஸ்போர்ட், ஓட்டுநர் உரிமம், பான் கார்டு, வாக்காளர் அடையாள அட்டை, 100 நாள் வேலைத் திட்ட அடையாள அட்டை உள்ளிட்ட ஆவணங்கள் தேவைப்படும். உங்களுக்கு அருகிலுள்ள வங்கிக் கிளைக்குச் சென்று நீங்கள் மிகச் சுலபமாக இத்திட்டத்தின் கீழ் வங்கிக் கணக்கு தொடங்கலாம். ஜன் தன் கணக்கில் ஒரு லட்சம் ரூபாய்க்கான காப்பீடு, ஓய்வூதியம் உள்ளிட்ட வசதிகளோடு, மத்திய - மாநில அரசுகளின் நிதியுதவிகள் இந்த
ஜன் தன் கணக்குகளில் நேரடியாகச் செலுத்தப்படுகின்றன.

ஏடிஎம்மில் கிழிந்த நோட்டு... நீங்கள் செய்ய வேண்டியது இதுதான்!!
ஜன் தன் கணக்கின் மற்றொரு சிறப்பம்சம் என்னவென்றால் காப்பீடாகவே உங்களுக்கு ரூ.1.30 லட்சம் கிடைக்கும். அதாவது, விபத்துக் காப்பீடு ரூ.1 லட்சம், பொதுக் காப்பீடு ரூ.30,000 என மொத்தம் ரூ.1.30 லட்சத்துக்கு காப்பீட்டு வசதி இதில் உள்ளது. எனவே இத்திட்டத்தில் கணக்கு தொடங்கி காப்பீடு, ஓவர் டிராஃப்ட் போன்ற வசதியை நீங்கள் பெறலாம்.