சுவிச்சர்லாந்தில் 800 கோடி கடன் வாங்கிய அதானி.. காரணம் என்ன?

இந்தியாவின் மிகப்பெரிய பணக்காரரான கவுதம் அதானிக்கு சொந்தமான அதானி பிராபர்டீஸ் (Adani Properties) நிறுவனம் சுவிச்சர்லாந்து நாட்டை சேர்ந்த கிரெடிட் ஸ்வீஸ் (Credit Suisse) நிறுவனத்திடம் 800 கோடி ரூபாய் கடன் வாங்கியுள்ளது.

ரியல் எஸ்டேட் நிறுவனமான அதானி பிராபர்டீஸ் தொழிலை விரிவாக்கம் செய்வதற்கும், புதிதாக இடங்களை வாங்குவதற்கும் சுவிச்சர்லாந்தை சேர்ந்த கிரெடிட் ஸ்வீஸ் வங்கியிடம் 800 ரூபாய் கடன் வாங்கியுள்ளதாக தகவல் வெளியாகியுள்ளது.

இதுமட்டுமல்லாமல் பர்க்லேஸ் வங்கியிடமும், ஜேபி மோர்கன் சேஸ் வங்கியுடன் தொடர்புடைய நிறுவனத்துடனும் அதானி பிராபர்டீஸ் நிறுவனம் கடன் வாங்கியுள்ளதாக தகவல் வெளியாகியுள்ளது. ஆனால் இந்த கடன்கள் குறித்து அதானி குழுமம் இன்னும் அதிகாரப்பூர்வ தகவல் வெளியிடவில்லை.

இன்சூரன்ஸ் பாலிசிதாரர்களுக்கு போனஸ்.. யாருக்கெல்லாம் கிடைக்கும்?
அதானி பிராபர்டீஸ் நிறுவனம் நடப்பு நிதியாண்டில் இதுவரை 2,525 கோடி ரூபாய் கடன் வாங்கியுள்ளது. கடனுக்கான வட்டி விகிதம் ஆண்டுக்கு 15%. கடனை திருப்பி செலுத்துவதற்கான காலம் 1 ஆண்டு முதல் 3 ஆண்டுகள் வரை.

அதானி குடும்ப அறக்கட்டளைக்கு சொந்தமான பங்குகளை அடமானம் வைத்தே கடன் வாங்கப்பட்டுள்ளதாக கூறுகின்றன. அதானி குழுமத்தில் உள்ள நிறுவனங்களில் புரமோட்டர் பங்குகள் அதானி குடும்ப அறக்கட்டளை வசம் இருப்பது குறிப்பிடத்தக்கது.