இந்தியாவில் விவசாயிக்கு லாபம் இல்லை: ஆய்வில் தகவல்

இந்தியாவில் விவசாயம் லாபகரமானதாக இல்லை என ஓர் ஆய்வின் முடிவில் தெரிவிக்கப்பட்டுள்ளது.

இந்தியா, உக்ரைன் வியட்நாம் உள்ளிட்ட 26 நாடுகளில் பொருளாதார கூட்டுறவு மற்றும் மேம்பாட்டு நிறுவனம் (Organisation for Economic Co-operation and Development) விவசாயம் தொடர்பாக ஆய்வு நடத்தியது. இந்த ஆய்வு முடிவுகளின் மூலம் இந்தியாவில் கடந்த 2000ஆம் ஆண்டு முதல் 2016ஆம் ஆண்டு வரை மொத்த விவசாய வருமானம் 14% சரிவை சந்தித்துள்ளதாக தெரியவந்துள்ளது.

இந்திய விவசாயிகள் உற்பத்தி செய்யும் பொருட்களுக்கு சர்வதேச விலையில் மிக குறைவான மதிப்பையே பெற்றுள்ளனர். விவசாயத்தில் முதலீடுகளை அதிகரிப்பதற்குப் பதிலாக மானியம் வழங்குவதையே அரசு தொடர்கிறது. இதனால், விவசாயம் குறைந்த வருவாய் மட்டுமே வழங்குவதாகவும் நஷ்டத்தை சந்திக்கும் தொழிலாகவும் சுருங்கிவிட்டது எனவும் ஆய்வறிக்கை குறிப்பிடுகிறது.