Akasa Air offer: விமான டிக்கெட் தள்ளுபடி.. குறைந்த செலவில் விமானத்தில் பறக்கலாம்!

ஆகாசா ஏர் (Akasa Air) நிறுவனம் மழைக்கால சிறப்பு விற்பனையில் தள்ளுபடி விலைக்கு விமான டிக்கெட்டுகளை விற்பனை செய்கிறது.

மறைந்த முதலீட்டாளர் ராகேஷ் ஜுன்ஜுன்வாலாவின் ஆதரவுடன் தொடங்கப்பட்ட ஆகாசா ஏர் நிறுவனம் சென்னை உள்ளிட்ட இந்தியாவின் பல்வேறு நகரங்களுக்கு பட்ஜெட் விலையில் விமானங்களை இயக்கி வருகிறது.

இந்நிலையில், மழைக்கால சலுகையாக தள்ளுபடி விலைக்கு விமான டிக்கெட் விற்பனை செய்ய தொடங்கியுள்ளது ஆகாசா ஏர் நிறுவனம். இதன்படி விமான டிக்கெட்டுகளுக்கான கட்டணத்தில் 10 சதவீத தள்ளுபடி பெற்றுக்கொள்ளலாம்.

இந்த சலுகையை பெறுவதற்கு வாடிக்கையாளர்கள் https://www.akasaair.com/ இணையதளம் வாயிலாக விமான டிக்கெட் முன்பதிவு செய்ய வேண்டும். ஆகாசா ஏர் மொபைல் ஆப் வழியாகவும் டிக்கெட் பதிவு செய்து தள்ளுபடி பெறலாம். இதுபோக டிராவல் ஏஜென்சிகள் வாயிலாகவும் டிக்கெட் முன்பதிவு செய்யலாம்.

மே 30ஆம் தேதி முதல் இந்த சிறப்பு தள்ளுபடி விற்பனை தொடங்கியுள்ளது. வரும் ஜூன் 5ஆம் தேதி வரை தள்ளுபடி விலையில் விமான டிக்கெட்டுகளை ஆகாசா ஏர் நிறுவனத்திடம் வாங்கிக்கொள்ளலாம். சரியாக ஜூன் 5ஆம் தேதி நள்ளிரவு 11.59 மணி வரையிலும் டிக்கெட் விற்பனை நடைபெறும்.

ஜூலை 1ஆம் தேதி முதல் விமான பயணம் செய்வதற்கு மட்டுமே இந்த சலுகையில் டிக்கெட் பதிவு செய்ய வேண்டும். மேலும் 10 சதவீத தள்ளுபடி பெறுவதற்கு 'Monsoon' என்ற கோடு பயன்படுத்த வேண்டும்.

ஆகாசா ஏர் நிறுவனம் சென்னை, பெங்களூரு, ஹைதராபாத், மும்பை, டெல்லி உள்ளிட்ட 16 நகரங்களுக்கு இடையே 35 வழித்தடங்களில் விமானங்களை இயக்கி வருகிறது. இது ஒரு பட்ஜெட் ஏர்லைன் என்பதால் விமான டிக்கெட் கட்டணமும் சற்று குறைவாகவே இருக்கிறது.