உலக பணக்காரர் பட்டியல்: முதல் இடத்தை விட்டுப்பிடித்த பில்கேட்ஸ்!

உலக அளவில் பணக்காரர்கள் பட்டியலில் மைக்ரோசாப்ட் நிறுவனர் பில் கேட்ஸ் முதல் இடத்தை இழந்தார்.

உலகப் பணக்காரர்கள் பட்டியலில் மைக்ரோசாப்ட் நிறுவனர் பில் கேட்ஸ் முதல் இடத்தில் இருந்து வந்தார். அமேசான் ஆன்லைன் நிறுவனத்தின் தலைவர் ஜெஃப் பேசோஸ் அவரைப் பின்னுக்குத் தள்ளி முதல் இடத்தைப் பிடித்தார்.

ஆனால், சிறிது நேரத்திற்கு மட்டுமே ஜெஃப் பேசோஸ் நம்பர் 1 பணக்காரராக இருந்தார்.

மைக்ரோசாப்ட் நிறுவனத்தின் பங்குகள் அமேசான் ஆன்லைன் நிறுவனத்தின் பங்குகளை விட குறிப்பிட்ட நேரத்தில் மட்டும் குறைவாக இருந்தது. அந்தச் சிறிது நேரத்தில் அமேசான் நிறுவன பங்குகளின் மதிப்பு 90.60 மில்லியன் அமெரிக்க டாலராகவும், மைக்ரோசாப்ட் நிறுவன பங்குகளின் மதிப்பு 90 மில்லியன் டாலராகவும் இருந்துள்ளது.

சற்று நேரத்தில் அமேசான் பங்குகள் சரிவைச் சந்தித்தும் மைக்ரோசாப்ட் நிறுவனம் அமேசானை முந்தியது. இதனால், பில்கேட்ஸ் மீண்டும் நம்பர் ஒன் பணக்காரரானார். இந்தத் தகவலை அமெரிக்கா பத்திரிகையான ஃபோர்ப்ஸ் வெளியிட்டுள்ளது.