ஆப்பிளைத் தொடர்ந்து, 1 டிரில்லியன் டாலர் சந்தை மதிப்பை தொட்ட அமேசான்!

நியூயார்க்: 1 டிரில்லியன் டாலர் கிளப்பில் இணைந்த இரண்டாவது நிறுவனம் என்ற பெருமையை அமேசான் பெற்றுள்ளது.

கடந்த ஆகஸ்ட் 2ஆம் தேதி, முதல் முறையாக 1 டிரில்லியன் டாலர் சந்தை மதிப்பை ஆப்பிள் நிறுவனம் பெற்றது. கடந்த 38 ஆண்டுகளாக பொது நிறுவனமாக செயல்பட்டு, இந்த சாதனையை ஆப்பிள் நிகழ்த்தியுள்ளது.

இந்நிறுவனத்தின் ஐபோன் உள்ளிட்ட சாதனங்களை உலக அளவில் மிகப் பிரபலம். இதனால் விற்பனை அதிகரித்து வருவாயும் பெருகியது. இந்த சூழலில் ஆன்லைன் வர்த்தக நிறுவனமான அமேசான், 1 டிரில்லியன் சந்தை மதிப்பை பெற்று புதிய மைல்கல்லை எட்டியது.

இதன்மூலம் 1 டிரில்லியன் சந்தை மதிப்பை பெற்ற நிறுவனங்களின் பட்டியலில் ஆப்பிளை அடுத்து இடம்பிடித்த 2வது நிறுவனம் என்ற பெருமையை அமேசான் பெற்றுள்ளது. இது கடந்த 21 ஆண்டுகளாக பொது நிறுவனமாக செயல்பட்டு வருகிறது.

வர்த்தக தொழிலின் ஒவ்வொரு இடுக்கிலும் சிறப்பான வியாபாரத்தை கொண்டு சென்று, முதலீட்டாளர்களை ஈர்த்து அமேசான் சாதித்துள்ளது. இது வீடியோ ஸ்டீரிமிங் சர்வீஸ் மற்றும் உணவுப் பொருட்களுக்கான சூப்பர் மார்க்கெட் விற்பனையும் கொண்டிருக்கிறது.

இதன் நிறுவனங்களுக்கான கிளவுட் கம்ப்யூட்டிங் சர்வீசஸ் மூலம் பெருவாரியான வருமானத்தை ஈட்டியுள்ளது.

Amazon's market valuation hits $1 trillion-mark.