அமுல் நிறுவனம் ரூ.2,500 கோடி நிதி திரட்டுகிறது

பால் பொருட்கள் தயாரிப்பில் ஈடுபட்டுள்ள அமுல் நிறுவனம், ரூ.2,500 கோடி நிதி திரட்ட உள்ளதாகக் கூறியுள்ளது.

குஜராத் மாநிலத்தைச் சேர்ந்த பால் கூட்டுறவு நிறுவனம், அமுல் என்ற பெயரில், பால் மற்றும் அதுசார்ந்த பல்வேறு தயாரிப்புகளை விற்பனை செய்துவருகிறது.

இந்நிறுவனம், அடுத்த 4 ஆண்டுகளில், நாள் ஒன்றுக்கு, தனது பால் சுத்திகரிப்புத் திறனை 3.8 கோடி லிட்டராக உயர்த்த, இலக்கு நிர்ணயித்துள்ளது. இதற்காக, புதிய விரிவாக்கப் பணிகளை மேற்கொள்ள வேண்டியுள்ளதாகவும், இதன் அடிப்படையில் ரூ.2,500 கோடி நிதி திரட்டப் போவதாகவும் குறிப்பிட்டுள்ளது.