இந்த ரேட்ல வீடு இருந்தா போதும்.. வாடிக்கையாளர்கள் எடுக்கும் முடிவு!

வீட்டுக் கடன் வட்டி விகிதங்கள் பல ஆண்டுகளாக இல்லாத அளவுக்கு குறைந்துள்ளன. இதனால் வீடு வாங்குவதற்கான டிமாண்ட் அதிகரித்துள்ளது. இந்நிலையில், ரியல் எஸ்டேட் ட்ரெண்ட் குறித்து அனராக் நிறுவனம் ஒரு ஆய்வு நடத்தி அறிக்கை வெளியிட்டுள்ளது.

இதில், வீடு வாங்குவோர், வாங்க திட்டமிட்டிருப்போரின் விருப்பங்கள் குறித்த சுவாரஸ்யமான தகவல்கள் கிடைக்கின்றன. அண்மைக்காலமாக பணவீக்கம் கடுமையாக உயர்ந்துள்ளது. இதனால், வீடு கட்டுமானத்துக்கு தேவையான உள்ளீட்டுப் பொருட்கள் விலை உயரும் என எதிர்பார்க்கப்படுகிறது.

இதன் விளைவாக 2022ஆம் ஆண்டில் வீடுகளின் விலை உயரும் என எதிர்பார்க்கப்படுவதாக ஆய்வில் பங்கேற்றவர்களில் 56 விழுக்காட்டினர் தெரிவித்துள்ளனர்.

ரியல் எஸ்டேட்டில் புகுந்து விளையாடும் சிறு நகரங்கள்.. விஷயம் இங்கதான் இருக்கு!
எனினும், வீடுகளின் விலை உயர்வு 10 விழுக்காட்டிற்குள் உயர்ந்தால் பெரிதாக பாதிப்பு இருக்காது எனவும், 20 விழுக்காடு வரை உயர்ந்தால் வீடு வாங்கும் திட்டத்தில் மாற்றம் ஏற்படலாம் எனவும் பலர் தெரிவித்துள்ளனர்.

மும்பை, பெங்களூரு உள்ளிட்ட நகரங்களில் வீடுகளுக்கான டிமாண்ட் கணிசமாக உயர்ந்துள்ளது என இந்த ஆய்வில் தெரியவந்துள்ளது. இதுமட்டுமல்லாமல், பிரபல பிராண்டட் டெவலப்பர்களின் வீடுகள் மீது வாடிக்கையாளர்கள் ஆர்வம் காட்டுவதாகவும் இந்த ஆய்வு கூறுகிறது.

வீடு வாங்குவோரின் பட்ஜெட்டை பொறுத்தவரை, 45 லட்சம் ரூபாய் முதல் 1.5 கோடி ரூபாய் வரையிலான வீடுகளை 65 விழுக்காட்டினர் விரும்புகின்றனர். மலிவு விலை வீடுகளை விரும்புவோர் 40 விழுக்காட்டினராக உள்ளனர்.