3BHK வீடுகளுக்கு செம டிமாண்ட்.. வட்டியை ஏற்றினால் விற்பனைக்கு ஆபத்து!

பொதுவாகவே 3BHK வீடுகளைக் காட்டிலும் 2BHK வீடுகளுக்கு டிமாண்ட் அதிகமாக இருக்கும். ஆனால், வரலாற்றிலேயே முதல்முறையாக 2BHK வீடுகளை விட 3BHK வீடுகளுக்கு டிமாண்ட் அதிகரித்திருப்பதாக சர்வே வாயிலாக தெரியவந்துள்ளது.

இது ஒருபக்கம் இருக்க, வீட்டுக் கடன்களுக்கான வட்டி விகிதம் தொடர்ந்து அதிகரித்தால் வீடு விற்பனை பாதிக்கப்படும் என ரியல் எஸ்டேட் தொழில்துறை நிறுவனமான CII-Anarock நடத்திய சர்வேயில் தெரியவந்துள்ளது. இந்த சர்வேயில் பங்கேற்றவர்களில் 44% பேர் 3BHK வீடுகளை வாங்கப்போவதாக தெரிவித்துள்ளனர்.

அடுத்தபடியாக 38% பேர் 2BHK வீடுகளை வாங்க திட்டமிட்டுள்ளதாக தெரிவித்துள்ளனர். கடந்த ஆண்டு இதே நிறுவனம் நடத்திய சர்வேயில் 46% பேர் 2BHK வீடுகளையும், 40% பேர் 3BHK வீடுகளையும் வாங்க திட்டமிட்டிருந்ததாக தெரிவித்தனர்.

இனி நீ வயசுக்கு வந்தா என்ன வரலன்னா என்ன.. IRCTC பயனர்கள் கொந்தளிப்பு!
எனினும், தற்போது கொரோனா பாதிப்பு குறைந்துவிட்டதால் டிமாண்ட் மெல்ல மெல்ல அதிகரித்து வருகிறது. ஆனாலும், வீட்டுக் கடன் வட்டி விகிதம் 9.5% அளவை தாண்டினால் வீடு விற்பனை பாதிக்கப்படும் என இந்த சர்வே மூலம் தெரியவந்துள்ளது.

ரிசர்வ் வங்கி தொடர்ந்து ரெப்போ வட்டியை உயர்த்தி வருகிறது. இதனால் வங்கிகளும் வீட்டுக் கடன்களுக்கான வட்டி விகிதங்களை உயர்த்தி வருகின்றன. நாளை ரிசர்வ் வங்கி மீண்டும் வட்டி விகிதத்தை உயர்த்தப்போகிறது. எனவே, வீட்டுக் கடன்களுக்கான வட்டி விகிதம் மேலும் உயரும் என எதிர்பார்க்கப்படுகிறது.