நிர்வாகத்திற்கு வந்த ரிலையன்ஸ் அனில் அம்பானியின் மூத்த மகன் அன்மோல்!!

இரண்டு ஆண்டுகள் பயிற்சிக்குப் பின்னர் பில்லியனர் அனில் அம்பானியின் மூத்த மகன் ஜெய் அன்மோல் ரிலையன்ஸ் கேபிடலின் கூடுதல் இயக்குனராக பதவியேற்றார்.

கடந்த 2014ல் இருந்து ரிலையன்சின் பல்வேறு நிதி மற்றும் சேவை வர்த்தகத்தில் 24 வயது அன்மோல் பணியாற்றி வந்தார். அடுத்த மாதத்தில் துவங்கும் ஆண்டு பொதுக் கூட்டத்தில் முழு நேர கூடுதல் இயக்குனராக அன்மோல் செயல்படுவார் என்று தெரிய வந்துள்ளது.
Anil Ambani's elder son Jai Anmol joins Reliance Capital's board as Additional Director. pic.twitter.com/4HSydudUWW— Times of India (@timesofindia) August 23, 2016
ரிலையன்ஸ் நிறுவனத்தின் உள் வர்த்தக மதிப்பீடுகளை இதுநாள் வரை கையாண்டு வந்த அன்மோல், ரிலையன்ஸ் லைஃப் இன்சூரன்ஸ் மற்றும் ரிலையன்ஸ் கேபிடல் அசட் மேனேஜ்மென்ட் நிறுவனங்களில் நிப்பான் லைஃப் பங்குகளை அதிகரிப்பதில் அக்கறை செலுத்தி வந்தார்.

ரிலையன்ஸ் கேபிடல் குழுமத்தின் மூத்த தலைமை நிர்வாக அதிகாரியும், செயல் அதிகாரியுமான சாம் கோஷ் கூறுகையில், ''ரிலையன்ஸ் கேபிடலின் நிர்வாகத்திற்குள் வந்திருக்கும் அன்மோலை வரவேற்கிறோம். வர்த்தகத்தின் அனைத்து மறுமதிப்பீடுகளிலும் பங்கேற்று சிறப்பாக பணியாற்றி வந்தவர் அன்மோல்'' என்று பாராட்டினார்.

லண்டனில் உள்ள வார்விக் வர்த்தகப் பள்ளியில் படித்த அன்மோல் பேசுகையில், ''கடந்த இரண்டு ஆண்டுகளாக நிதி சேவை வர்த்தகம் குறித்து நன்றாக அறிந்து கொண்டு உள்ளேன். இந்த அனுபவத்தை நான் வரும் காலங்களில் பயன்படுத்துவேன்'' என்றார்.

4,000 கோடி ரூபாய் அளவிற்கு வருமானத்தைக் கொண்டுள்ள ரிலையன்ஸ் கேபிடல் லைப் இன்சூரன்ஸ், வர்த்தக நிதி, செக்யூரிட்டீஸ், பொது நிதி, மியூச்சுவல் பண்ட் ஆகியவற்றில் வர்த்தகத்தைக் கொண்டுள்ளது.