விவசாயிகளுக்கு ரூ.4000... விண்ணப்பிக்க கடைசி தேதி இதுதான்!

பிரதான் மந்திரி கிசான் சம்மான் நிதி எனப்படும் பிரதமரின் விவசாய நிதியுதவித் திட்டத்தின் கீழ் நலிந்த விவசாயிகளுக்கு ஆண்டுதோறும் 3 தவணைகளாக ரூ.6,000 நிதியுதவியை மத்திய அரசு வழங்கி வருகிறது. இத்திட்டத்துக்கான எட்டாவது தவணைப் பணம் ஏப்ரல் - மே மாதங்களில் விவசாயிகளின் வங்கிக் கணக்கில் டெபாசிட் செய்யப்பட்டது. விரைவில் ஒன்பதாவது தவணைப் பணம் விவசாயிகளுக்கு வரவிருக்கிறது. ஆனால் இன்னும் பல விவசாயிகள் இத்திட்டத்தில் பதிவுசெய்யாமல் உள்ளனர்.

இத்திட்டத்தின் கீழ் எட்டாவது மற்றும் ஒன்பதாவது தவணைப் பணம் சேர்த்து மொத்தம் ரூ.4,000 நிதியுதவி பெற விவசாயிகளுக்கு இன்னும் வாய்ப்பு உள்ளது. அந்த நிதியைப் பெற விவசாயிகள் ஜூன் 30ஆம் தேதிக்குள் பதிவுசெய்ய வேண்டும். இன்னும் பதிவுசெய்யாத விவசாயிகள் https://pmkisan.gov.in/ என்ற வெப்சைட்டில் பதிவுசெய்யலாம். மேலே குறிப்பிட்ட தேதிக்குள் பதிவுசெய்தால் ஜூலை மாதத்தில் ரூ.2,000 மற்றும் ஆகஸ்ட் மாதத்தில் ரூ.2,000 என மொத்தம் 4,000 ரூபாய் கிடைக்கும். கொரோனா ஊரடங்கு சமயத்தில் இந்த நிதியுதவி பெரிதும் உதவியாக இருக்கும்.

பான் கார்டை ஆதாருடன் இணைக்கலயா? பெரிய ஆபத்து வருது!
ஒருவேளை ஏற்கெனவே இத்திட்டத்தின் கீழ் பதிவுசெய்து பணம் கிடைக்காமல் இருந்தால் அதுகுறித்துப் புகார் அளிக்கலாம். அதற்கு முன் இத்திட்டத்தின் கீழ் பயனாளியின் பெயர் முறையாக இணைக்கப்பட்டுள்ளதா என்று பார்க்க வேண்டும். அதற்கு pmkisan.gov.in என்ற இணையதளத்தில் சென்று மெனு பாரில் உள்ள ’farmers corner’ என்ற வசதியை கிளிக் செய்து அதில் 'beneficiary list' என்பதில் உள்நுழைய வேண்டும். அதன் பின்னர் பயனாளியின் மாநிலம், மாவட்டம், பிரிவு, கிராமத்தின் பெயர் போன்ற விவரங்களைப் பதிவிட வேண்டும். பின்னர் 'Get information' என்பதை கிளிக் செய்து பார்த்தால் இத்திட்டத்தில் பயன்பெறும் விவசாயிகளின் பெயர் விவரங்களைத் தெரிந்துகொள்ளலாம்.

பிஎம் கிசான் திட்டத்தின் கீழ் தகுதியுள்ளவர்களுக்குப் பணம் வந்துசேரவில்லை என்றால் அரசின் ஹெல்ப் லைன் எண்களுக்கு அழைத்து புகார் தெரிவிக்கலாம். அதேபோல, மின்னஞ்சல் மூலமாகவும் புகார் செய்யலாம்.

பிஎம் கிசான் டோல் ஃப்ரீ நம்பர்: 18001155266,
பிஎம் கிசான் ஹெல்ப் லைன் நம்பர்: 155261,
பிஎம் கிசான் லேண்ட் லைன் நம்பர்: 011-23381092, 23382401,
பிஎம் கிசான் புதிய உதவி எண்: 011-24300606,
பிஎம் கிசான் ஹெல்ப் லைன்: 0120-6025109,
மின்னஞ்சல் முகவரி: pmkisan-ict@gov.in