கொரோனா பீதி: கடையைச் சாத்தும் ஆட்டோமொபைல் நிறுவனங்கள்!

சீனாவில் தொடங்கிய கொரோனா பாதிப்பு இந்தியா உள்ளிட்ட உலக நாடுகளிலும் வேகமாகப் பரவியுள்ளது. கொரோனா பாதிப்பால் உலகம் முழுவதும் இதுவரையில் 8,979 பேர் உயிரிழந்துள்ளனர். மேலும், 2.19 லட்சம் பேர் பாதிக்கப்பட்டுள்ளனர். இதுபோன்ற சூழலில் மக்களின் நலன் கருதி பல்வேறு பாதுகாப்பு மற்றும் முன்னெச்சரிக்கை நடவடிக்கைகளில் உலக நாடுகளும், அரசுகளும் இறங்கியுள்ளன. பொது இடங்களில் மக்கள் அதிகமாகக் கூடக்கூடாது; தியேட்டர், வணிக வளாகம், ரெஸ்டாரண்ட், கடைகள் உள்ளிட்டவை கொஞ்சம் கொஞ்சமாக மூடப்பட்டு வருகின்றன.

ஆட்டோமொபைல் துறையிலும் கொரோனா பாதிப்பு அதிகரிக்கத் தொடங்கியுள்ளது. ஆலைகளில் வேலை பார்க்கும் ஊழியர்கள் சிலருக்கு கொரோனா பாதிப்பு உறுதி செய்யப்பட்டுள்ளதால் பாதுகாப்பு கருதி ஆட்டோமொபைல் நிறுவனங்கள் தங்களது ஆலைகளை மூடுவதற்கு முடிவு செய்துள்ளன. இதன்படி, உலகம் முழுக்க ஃபோர்டு, ஜெனரல் மோட்டார்ஸ், ஃபியாட், ஹோண்டா, டொயோடா உள்ளிட்ட நிறுவனங்கள் வட அமெரிக்கப் பகுதியில் உள்ள தங்களது உற்பத்தி ஆலைகளை மூடப்போவதாக அறிவித்துள்ளன.

தங்கம் விலை: இன்னைக்கு காயா, பழமா?

நிசான் நிறுவனம் அமெரிக்காவில் உள்ள தனது ஆலையை மூடுகிறது. ஹூண்டாய் நிறுவனம் தனது அலபாமா ஆலையை மூட ஆயத்தமாகியுள்ளது. இன்னும் ஒன்று அல்லது இரண்டு வாரங்களுக்குள் உற்பத்தி ஆலைகள் அனைத்தும் முடப்படும் என்று தெரிவிக்கப்பட்டுள்ளது. கொரோனா பாதிப்புக்கு எதிரான நடவடிக்கைகளை விரைந்து மேற்கொள்ள வேண்டும் எனவும், சுற்றுச் சூழல் மற்றும் ஊழியர்கள் பாதுகாப்பு மிகவும் அவசியம் எனவும் ஜெனரல் மோட்டார்ஸ் நிறுவனத்தின் தலைமைச் செயலதிகாரியான மேரி பர்ரா தெரிவித்துள்ளார்.

Coronavirus: சென்செக்ஸ் கடும் வீழ்ச்சி!!

உற்பத்தி ஆலைகள் முதற்கட்டமாக ஒரு வாரம் அல்லது இரண்டு வாரங்களுக்கு மட்டும் மூடப்படும் எனவும், கொரோனாவின் தீவிரம் எந்த அளவுக்கு இருக்கிறது என்று பார்த்துவிட்ட அடுத்த கட்ட நடவடிக்கை மேற்கொள்ளப்படும் என்று நிறுவனங்கள் தெரிவித்துள்ளன. இந்த விடுமுறை காலத்தில் ஊழியர்களுக்கான சம்பளம் மற்றும் சிறப்புச் சலுகைகள் வழங்குவது குறித்தும் ஆட்டோமொபைல் நிறுவனங்கள் ஆலோசித்து வருகின்றன.