பண்டிகை சீசனையொட்டி பஜாஜ் ஹவுசிங் பைனான்ஸ் நிறுவனம் புதிய வாடிக்கையாளர்களுக்கு வீட்டுக் கடன் வட்டியை குறைத்துள்ளது. இதன்படி, வீட்டுக் கடன்களுக்கான வட்டி ஆண்டுக்கு 6.9 விழுக்காடாக குறைக்கப்பட்டுள்ளது.

வட்டிக் குறைக்கப்பட்டுள்ளதால் வாடிக்கையாளர்களின் தவணை சுமை குறையும் என்பது மகிழ்ச்சியான செய்தி. மேலும், டாப் அப் கடன்களுக்கான செலவும் குறைகிறது. கொரோனாவால் ஏற்பட்ட பண நெருக்கடியால் தவிப்போருக்கு இந்த வட்டி குறைப்பு நடவடிக்கை ஓரளவுக்கு ஆறுதலாக அமையும்.

160 ரூபாய் போதும்: 23 லட்சம் கிடைக்கும்!

இதுகுறித்து பஜாஜ் ஹவுசிங் பைனான்ஸ் நிறுவனம் வெளியிட்டுள்ள அறிக்கையில், “வட்டிக் குறைப்பு அறிவிப்பால், வீட்டுக் கடன் வாங்கும் வாடிக்கையாளர்களுக்கு பண்டிகைக்கால உற்சாகம் கிடைக்கும். ஏராளமானோர் செலவை குறைக்க போராடும் சூழலில் இந்த வட்டிக் குறைப்பு பெரிதும் உதவும்” என்று தெரிவித்துள்ளது.

மற்ற வங்கிகள் மற்றும் ஹவுசிங் பைனான்ஸ் நிறுவனங்களிடம் கடன் வாங்கியுள்ள வாடிக்கையாளர்களும் மீதம் இருக்கும் கடனை பஜாஜ் பைனான்ஸுக்கு மாற்றிக்கொள்ளலாம். முக்கியமாக, கடனின் ஆரம்பகட்டத்தில் இருப்போருக்கு இது சிறந்த வாய்ப்பு.

3.5 கோடி ரூபாய் வரையிலான கடன்களுக்கு பஜாஜ் ஹவுசிங் பைனான்ஸ் இணையதளத்திலேயே விண்ணப்பிக்கலாம். ஏற்கெனவே இருக்கும் வாடிக்கையாளர்கள், புதிய வாடிக்கையாளர்கள் அனைவருக்கும் 6.9% வட்டிக்கு வீட்டுக் கடன் வழங்கப்படும்.