பாக்சைட் மீதான ஏற்றுமதி வரியை கைவிட கோரிக்கை

பாக்சைட் தாது மீதான ஏற்றுமதி வரிவிதிப்பை, மத்திய அரசு கைவிட வேண்டும், என கோரிக்கை எழுந்துள்ளது.

பாக்சைட் தாது, அலுமினியம் உற்பத்தியில் மூலப்பொருளாகப் பயன்படுகிறது. கடந்த சில மாதங்களாக, உள்நாட்டில் பாக்சைட் தாதுவுக்கான தேவை குறைந்துள்ளது. இதனால், பாக்சைட் உற்பத்தி செய்யும் நிறுவனங்கள், வெளிநாடுகளுக்கு ஏற்றுமதி செய்வதில் கவனம் செலுத்தத் தொடங்கியுள்ளன.

எனினும், பாக்சைட் ஏற்றுமதிக்கு 15% வரி விதிக்கப்பட்டுள்ளது. இதனால், ஏற்றுமதி வருமானம் பாதிக்கப்படுவதாக, இத்துறைசார்ந்த நிறுவனங்கள் கவலை தெரிவித்துள்ளன. உள்நாட்டிலும் தேவை குறைந்த நிலையில், சீனா போன்ற வெளிநாடுகளுக்கு ஏற்றுமதி செய்வதன் மூலமாக, வர்த்தக இழப்பை சமாளிக்க திட்டமிட்டுள்ளதாகவும், இதற்கு அரசின் வரிவிதிப்பு தடையாக உள்ளதாகவும் இந்நிறுவனங்கள் குறிப்பிட்டுள்ளன.

இதன்அடிப்படையில், பாக்சைட் ஏற்றுமதிக்கான வரிவிதிப்பை முற்றிலும் கைவிடும்படியும், அத்துறையில் உள்ள முன்னணி நிறுவனங்கள் கோரிக்கை எழுப்பியுள்ளன.