செலவு குறைவு - வருமானம் அதிகம்.. தங்க சேமிப்புக் கணக்கு பற்றி தெரியுமா?

இந்திய மக்களுக்கு தங்கம் என்பது விருப்பமான முதலீடு. கிராமப்புறங்களிலும் ஏராளமான மக்கள் தங்கத்தில் முதலீடு செய்கின்றனர். தங்கம் முதலீட்டை எளிமைப்படுத்துவதற்காக தங்க சேமிப்பு கணக்கு (Gold savings account) திட்டத்தை அறிமுகப்படுத்த அரசு திட்டமிட்டுள்ளது.

தங்க நகை, தங்க நாணயம் போன்றவற்றை வாங்கும்போது செய்கூலி, வரி ஆகியவற்றை சேமிக்க தங்க சேமிப்புக் கணக்கு உதவும். செலவுகளை குறைப்பது மட்டுமல்லாமல் தங்கத்தில் பாதுகாப்பாக முதலீடு செய்யவும் தங்க சேமிப்புக் கணக்கு உதவும்.

பொதுவாக தங்கத்தை பாதுகாப்பாக சேமித்து வைப்பதே தலைவலிதான். வங்கி லாக்கரில் பாதுகாப்பாக வைக்க வேண்டுமென்றாலும் அதற்கு தனி வாடகை செலுத்த வேண்டும். இதுபோக லாக்கர் இன்சூரன்ஸ் வேறு உள்ளது. இந்நிலையில், இதற்கு தீர்வு காண தங்க சேமிப்பு கணக்கு அறிமுகப்படுத்தப்படுகிறது.

கம்மி ரேட்டில் வீடு, சொத்து அள்ளிட்டு போங்க.. சூப்பர் வாய்ப்பு!
தங்க சேமிப்புக் கணக்கில் தினமும் கூட டெபாசிட் செய்ய முடியும். நேரடியாக வங்கிக்கிளைக்கு சென்று டெபாசிட் செய்யலாம். அன்றைய தங்கம் விலைக்கு நிகாரன தொகையை செலுத்திவிட்டால் போதும். பாஸ்புக்கும் வழங்கப்படும்.

தங்க சேமிப்புக் கணக்கில் உள்ள பேலன்ஸ் தொகையை தங்க எடையாக கருதி அதற்கு வட்டித் தொகையும் வங்கியால் செலுத்தப்படும். ஒவ்வொரு மாதத்தின் இறுதியிலும் இந்த வட்டித் தொகை செலுத்தப்படும். இதுமட்டுமல்லாமல், இந்தக் கணக்கில் கிடைக்கும் லாபத்துக்கு capital gains tax வரி கிடையாது.

எனவே, தங்கம் வாங்குவதற்கான செலவும், பாதுகாப்பு செலவு ஆகியவற்றை தவிர்ப்பதுடன், வட்டி மூலம் வருமானம் பெற்று, வரியையும் சேமிக்க உதவுகிறது இந்த தங்க சேமிப்புக் கணக்கு.