ஐடி நிறுவனங்கள்: ஆதிக்கம் செலுத்தும் பெங்களூரு!

இந்தியாவின் சிலிக்கான் வேலி என்று அழைக்கப்படும் பெங்களூருவில் தகவல் தொழில்நுட்ப நிறுவனங்கள் ஏராளம். நாட்டின் பல்வேறு நகரங்களில் இருந்தும் வெளிநாடுகளில் இருந்தும் அதிகளவில் தொழில்நுட்பப் பணியாளர்கள் இங்கு வேலை பார்க்கின்றனர். ஸ்டார்ட் அப் நிறுவனங்களின் கூடாரமாகவும் பெங்களூரு திகழ்ந்து வருகிறது. இந்நிலையில், தகவல் தொழில்நுட்பப் பணியாளர்கள் வேலை பார்க்க ஏதுவான இந்திய நகரங்களுக்கான பட்டியலில் பெங்களூரு முதலிடத்தில் இருப்பதாக ’டெக் கிக்’ நிறுவனத்தின் ஆய்வில் தெரியவந்துள்ளது.

இதுகுறித்து 1,800க்கும் மேற்பட்ட நிபுணர்களிடையே நடத்தப்பட்ட ஆய்வில், ஐடி பணியாளர்களுக்குத் தேவையான சிறப்பான அலுவலகச் சூழல், ஊதியம், சலுகைகள் உள்ளிட்ட அனைத்து வசதிகளையும் பெங்களூரு தருவதாகத் தெரிவிக்கப்பட்டுள்ளது. இந்த ஆய்வில் பங்கேற்றவர்களில் சுமார் 30 சதவீதத்தினர் மூத்த மேலாண்மை பிரிவில் பணியாற்றுபவர்கள் ஆவர். இதில் 75 சதவீதத்தினர் 25 முதல் 35 வயது வரம்புடைய தொழில்நுட்பப் பணியாளர்களாக இருக்கின்றனர்.

சென்செக்ஸ் 1,100 புள்ளிகள் உயர்ந்து 31,041.88ஐ தொட்டது!!

இந்திய நகரங்களிலேயே ஐடி பணியாளர்களுக்குத் தேவையான சம்பள உயர்வை வழங்குவதில் பெங்களூரு முன்னிலையில் இருப்பதாக 71 சதவீதத்தினர் தெரிவித்துள்ளனர். அதேபோல, படிப்பை முடித்து வேலைதேடும் இளைஞர்களுக்கு சிறந்த வேலைவாய்ப்புகளை ஐடி துறையில் வழங்கும் நகரமாகவும் பெங்களூரு திகழ்வதாக இந்த ஆய்வில் தெரிவிக்கப்பட்டுள்ளது. பணிச் சூழல் மட்டுமல்லாமல், ஐடி பணியாளர்கள் வசிப்பதற்கும் பெங்களூரு சிறந்த நகரமாக இருப்பதாக 47 சதவீதத்தினர் தெரிவித்துள்ளனர்.

தங்கம் விலை: இன்னைக்கு கூடிருக்கா குறைஞ்சிருக்கா?

ஐடி பணியாளர்களுக்கு உகந்த நகரங்களுக்கான பட்டியலில் ஹைதராபாத் இரண்டாம் இடத்திலும், புனே மூன்றாம் இடத்திலும் இருக்கின்றன. ஐடி பணியாளர்களின் சம்பளம் தொடர்பான விஷயத்தில் சிறப்பான சலுகை வழங்கும் நகரங்களுக்கான பட்டியலில், பெங்களூரு (71%) முதலிடத்திலும், ஹைதராபாத் (15%) இரண்டாம் இடத்திலும், புனே (6%) மூன்றாம் இடத்திலும், (சென்னை (4%) நான்காம் இடத்திலும், மும்பை (4%) ஐந்தாம் இடத்திலும் இருப்பதாக இந்த ஆய்வின் மூலமாகத் தெரியவந்துள்ளது.