சூப்பர் வருமானம் வேண்டுமா? சேமிப்பை எதில் முதலீடு செய்யலாம்?

வீட்டிலிருந்து வேலை செய்வதால் வாடகை, பயணச் செலவு, வாகன பராமரிப்புச் செலவு, பேருந்து டிக்கெட் செலவு, பெட்ரோல் டீசல் செலவு என பல செலவுகள் குறைந்துள்ளதால் ஊழியர்கள் பணத்தை சேமிக்க முடிகிறது. மேலும், ஹோட்டல் உணவு, சினிமா, கேளிக்கை மற்றும் பொழுதுபோக்கு செலவுகள் இல்லாததால் நிச்சயமாக நல்ல தொகையை சேமிக்க முடியும்.

சேமித்த பணத்தை எப்படி சரியாக பயன்படுத்த வேண்டும்? சேமித்த தொகை பல்கி பெருக வேண்டும். அதாவது compounding ஆக வேண்டும். தற்போதைய சூழலில் பணத்தை பன்மடங்கு பெருக வைக்க சில வழிகள் இருக்கின்றன. எதிர்காலத் தேவையையும், பாதுகாப்பையும் கருத்தில் கொண்டு எதில் முதலீடு செய்யலாம் என்பதை பார்க்கலாம்.

தொடக்கத்தில் ரூ.1 லட்சத்துடன் எஸ்ஐபி முதலீட்டை தொடங்கலாம். இதற்கு குறைவாக உங்களால் முடிந்த தொகையை வைத்தும் எஸ்ஐபி முதலீடு செய்யலாம். ஆண்டுக்கு ரூ.10,000 நீங்கள் முதலீடு செய்வதாக வைத்துக்கொள்வோம். ஒவ்வொரு ஆண்டும் உங்கள் முதலீடு தொகையில் ரூ.2,000 உயர்த்தினால், 15 ஆண்டுகள் கழித்து மெச்சூரிட்டியாக ரூ.1 கோடி உங்கள் கையில் இருக்கும். உங்கள் 15 ஆண்டு டெபாசிட் தொகை ரூ.44.2 லட்சம். அதில் நீங்கள் ஈட்டிய வருவாய் ரூ.56.37 லட்சம்.

என்பிஎஸ் (தேசிய பென்சன் திட்டம்) பணி ஓய்வு தேவைகளுக்கான சிறந்த முதலீடு. இதனால் கிடைக்கும் வரிச் சலுகைகள் ஒருபுறமிருக்க, நல்ல வருவாயும் பெற முடியும். எடுத்துக்காட்டாக, தற்போது உங்கள் வயது 35 என வைத்துக்கொள்வோம். தேசிய பென்சன் திட்டத்தில் தொடக்கமாக ரூ.1 லட்சம் போட்டு, ரூ.5,000 நீங்களும், ரூ.1000 உங்கள் நிறுவனமும் வழங்கினால், 60 வயதில் பணி ஓய்வு பெறும் போது உங்கள் கையில் ரூ.3.65 கோடி இருக்கும்.