அதிரடி விலை உயர்வில் தங்கம் - வெள்ளி!

தங்க நகை வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு தங்கம் விலை தொடர்ந்து உயர்த்தப்பட்டு வருகிறது. இதனால் நகை வாங்குவோர் மிகவும் சிரமப்படுகின்றனர். ஆனால் இன்று காலையில் தங்கம் விலை கணிசமாகக் குறைக்கப்பட்டது. இந்நிலையில் மாலை நேரத்தில் மீண்டும் உயர்த்தப்பட்டுள்ளது.

சென்னையில் இன்று காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,583 ஆக இருந்தது. மாலையில் அது 4,605 ரூபாயாக உயர்ந்துள்ளது. அதேபோல, இன்று காலை 36,664 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 235 ரூபாய் உயர்ந்து 36,840 ரூபாய்க்கு வந்துள்ளது.

தூய தங்கத்தின் விலையும் தற்போது உயர்த்தப்பட்டுள்ளது. இன்று காலை 4,949 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,971 ரூபாயாக உயர்ந்துள்ளது. அதேபோல, காலையில் 39,592 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 235 ரூபாய் உயர்ந்து 39,768 ரூபாய்க்கு விற்பனையாகிறது.

Gold Rate: நகை வாங்க நல்ல நேரம் - விலை குறைவு!

வெள்ளி விலையும் அதிரடியாக உயர்த்தப்பட்டுள்ளது. சென்னையில் ஒரு கிராம் வெள்ளி விலை இன்று காலை ரூ.68.80 ஆக இருந்தது. மாலையில் அது ரூ.69.30 ஆக உயர்ந்துள்ளது. ஒரு கிலோ வெள்ளி 69,300 ரூபாய்க்கு விற்பனை செய்யப்படுகிறது.