அமிதாப் பச்சனுக்கு 5 மடங்கு லாபம்.. பணத்தை கொட்டி கொடுத்த பங்கு!

அமிதாப் பச்சன் முதலீடு செய்துள்ள ஸ்மால் கேப் பங்கு அவருக்கு 5 மடங்கு லாபத்தை கொடுத்துள்ளது.

Authored byவிக்னேஷ் பாபு | Samayam Tamil 3 Mar 2023, 11:31 am

பாலிவுட் சூப்பர்ஸ்டாரான அமிதாப் பச்சனுக்கு (Amitabh Bachchan) கோடிக்கணக்கான ரசிகர்கள் இருக்கின்றனர். தன் ஸ்டைலான நடிப்பு மட்டுமல்லாமல் தனித்துவமான குரலாலும் ஏராளமான இந்தியர்களை கட்டிப்போட்டவர் அமிதாப் பச்சன். இந்நிலையில், முதலீட்டிலும் தான் ஒரு சூப்பர்ஸ்டார்ட்தான் என நிரூபித்திருக்கிறார் அமிதாப்.

அமிதாப் பச்சன் முதலீடு செய்த ஸ்மால் கேப் நிறுவனத்தின் பங்கு விலை அவருக்கு 5 மடங்குக்கு மேல் லாபத்தை அள்ளி அள்ளி கொடுத்துள்ளது. மத்திய பிரதேச மாநிலத்தை தலைமையிடமாக கொண்டு இயங்கி வரும் நிறுவனம் டிபி வயர்ஸ் (DP Wires).

இதுவொரு ஸ்மால் கேப் நிறுவனம். இந்த நிறுவனம் ஸ்டீல் வயர்கள், பிளாஸ்டிக் பைப்புகள், பிளாஸ்டிக் ஃபிலிம் உள்ளிட்ட பொருட்களை உற்பத்தி செய்து வருகிறது. பெரும்பாலும் எண்ணெய் மற்றும் எரிவாயு, மின்சாரம், கட்டுமானம், எரிசக்தி, ஆட்டோமொபைல் போன்ற துறைகளுக்கு இந்நிறுவனம் ஸ்டீல் வயர்களை விற்பனை செய்கிறது.

இதுமட்டுமல்லாமல் டிபி வயர்ஸ் நிறுவனம் தயாரிக்கும் பிளாஸ்டிக் பைப்புகள் உள்ளிட்ட பிளாஸ்டிக் பொருட்கள் நெடுஞ்சாலைகள், சாலை திட்டப் பணிகள், குளங்கள், தண்ணீர் தொட்டிகள், கால்வாய்கள், சுரங்கப் பணிகள் போன்றவற்றுக்குபயன்படுத்தப்படுகின்றன.

இந்த டிபி வயர்ஸ் நிறுவனத்தில் பாலிவுட் நட்சத்திரமான அமிதாப் பச்சன் முதலீடு செய்துள்ளார். இந்நிறுவனத்தில் அமிதாப் பச்சனுக்கு 2.45% பங்குகள் இருக்கின்றன. சரியாக அவரிடம் டிபி வயர்ஸ் நிறுவனத்தின் 3,32,800 பங்குகள் இருப்பதாக ஆவணங்கள் வாயிலாக தெரிகிறது. 2018ஆம் ஆண்டு முதல் டிபி வயர்ஸ் நிறுவனத்தின் பங்குகள் அமிதாப் பச்சனிடம் இருக்கின்றன.

டிபி வயர்ஸ் பங்கு விலை கடந்த ஐந்து ஆண்டுகளில் சுமார் ஐந்து மடங்கு உயர்ந்துள்ளது. 2018ஆம் ஆண்டில் இருந்து இதுவரை டிபி வயர்ஸ் நிறுவனத்தின் பங்கு விலை சுமார் 390% உயர்ந்துள்ளது.

2018 செப்டம்பர் மாதத்தில் டிபி வயர்ஸ் பங்கு விலை சுமார் 74 ரூபாயாக மட்டுமே இருந்தது. இன்று (மார்ச் 3, 2023) இந்த பங்கின் விலை 359.65 ரூபாயாக உள்ளது. இன்று மட்டுமே டிபி வயர்ஸ் பங்கு விலை 1.42% உயர்ந்துள்ளது. 2022ஆம் ஆண்டு செப்டம்பர் மாதத்திலேயே இந்த பங்கு 502.80 ரூபாய் என்ற உச்சத்தை தொட்டது.

அதன்பிறகு டிபி வயர்ஸ் பங்கு விலை குறைந்தாலும் கூட, இந்த பங்கு வாயிலாக பாலிவுட் நட்சத்திரம் அமிதாப் பச்சன் சுமார் 5 மடங்கு லாபத்தை பெற்றுள்ளார்.

அமிதாப் பச்சனுக்கு 5 மடங்கு லாபம்.. பணத்தை கொட்டி கொடுத்த பங்கு!

அமிதாப் பச்சன் முதலீடு செய்துள்ள ஸ்மால் கேப் பங்கு அவருக்கு 5 மடங்கு லாபத்தை கொடுத்துள்ளது.

அடுத்த செய்தி