சிலிண்டர் இலவசமா வாங்கலாம்.. சூப்பர் ஆஃபர் தரும் பேடிஎம்!

டிஜிட்டல் பரிவர்த்தனை சேவைகளை வழங்கி வரும் பேடிஎம் நிறுவனம் தனது வாடிக்கையாளர்களுக்கு சிறப்புச் சலுகை ஒன்றை அறிவித்துள்ளது. இதில் சமையல் சிலிண்டர் முன்பதிவு செய்பவர்கள் ரூ.30 வரையில் கேஷ் பேக் பெறலாம். ஏற்கெனவே மில்லியன் கணக்கான மக்கள் பேடிஎம் ஆப் மூலமாக சிலிண்டர் புக்கிங் செய்யும் நிலையில், தற்போது பாரத் கேஸ் சிலிண்டரும் பேடிஎம் புக்கிங்கில் சேர்க்கப்பட்டுள்ளது.

புதிதாக இணையும் வாடிக்கையாளர்கள் இந்த அட்டகாசமான சலுகையைப் பயன்படுத்திக் கொள்ளலாம் என்று பேடிஎம் நிறுவனம் அறிவித்துள்ளது. இச்சலுகையைப் பெறுவதற்கு சிலிண்டர் புக்கிங் செய்யும் போது, ‘FIRST CYLINDER' என்ற புரோமோ கோடை பயன்படுத்த வேண்டும். இந்த வசதியைப் பயன்படுத்தி வாடிக்கையாளர்கள் பாரத் கேஸ், இண்டேன், ஹெச்.பி. கேஸ் ஆகிய மூன்ற டீலர்களிடமும் சிலிண்டர் முன்பதிவு செய்து வாங்க முடியும்.

சிலிண்டர் புக்கிங் செய்பவர்களுக்கும் இன்னொரு சலுகையும் அறிவிக்கப்பட்டுள்ளது. அதாவது, சிலிண்டர் புக்கிங் செய்யும்போது பணம் செலுத்தத் தேவையில்லை. சிலிண்டருக்கான பணத்தை அடுத்த மாதம் செலுத்திக்கொள்ளலாம். இச்சலுகையின் பெயர் ‘paytm now pay later'. இச்சலுகையைப் பெறுவதற்கு வாடிக்கையாளர்கள் ‘FREE GAS' என்ற புரோமோ கோடை பயன்படுத்த வேண்டும்.

சிலிண்டர் மானியம் இனி அதிகம் கிடைக்குமா?
இதுமட்டுமல்லாமல், பேடிஎம் ஆப் மூலமாக சிலிண்டர் புக்கிங் செய்தவர்கள் அதன் டெலிவரி எப்போது கிடைக்கும் என்பதையும் டிராக் செய்ய முடியும். இதுபோன்ற நிறைய வசதிகளை பேடிஎம் நிறுவனம் தனது வாடிக்கையாளர்களுக்கு வழங்குகிறது.

சமையல் சிலிண்டர் விலை சென்னை உள்ளிட்ட நகரங்களில் அதிகமாக இருக்கும் சூழலில், பேடிஎம் வழங்கும் கேஷ் பேக் சலுகைகள் வாடிக்கையாளர்களிடையே அதிக வரவேற்பைப் பெற்றுள்ளன. எனினும் இச்சலுகை அந்த ஆப் மூலமாக முதல் முறை சிலிண்டர் புக்கிங் செய்பவர்களுக்கு மட்டுமே கிடைக்கும் என்பது குறிப்பிடத்தக்கது.