கார் லோன் வாங்க சூப்பர் வாய்ப்பு! இனி எல்லாமே ஈசிதான்...

கொரோனா வந்த பிறகு கார் வாங்கும் எண்ணத்தில் இருந்த பலர் நிதி நெருக்கடியால் அந்த எண்ணத்தையே கைவிட்டனர். தற்போது கொரோனா பாதிப்புகள் குறைந்து இயல்பு நிலை திரும்பி வருவதால் கார் வாங்கும் விருப்பத்தில் பலர் இருப்பார்கள். எந்தக் காரை வாங்கலாம், எந்த வங்கியில் குறைந்த வட்டியில் கடன் கிடைக்கும், எந்த வங்கியில் விரைவாக கடனுக்கான ஒப்புதல் கிடைக்கும் என்றெல்லாம் பார்த்துக்கொண்டிருப்பார்கள். அவர்களுக்கு வசதியாக, டிஜிட்டல் முறையில் மிக எளிதாக வாகனக் கடன் குறித்த விவரங்களைத் தெரிந்துகொள்ளும் வசதி ஏற்படுத்தப்பட்டுள்ளது.

ஹூண்டாய் கார் நிறுவனமும், ஆக்சிஸ் வங்கியும் இணைந்து வாகனக் கடன் வழங்கலில் ஒப்பந்தம் செய்துள்ளன. இதன்படி, ஆக்சிஸ் வங்கி வாடிக்கையாளர்கள் நேரடியாக ஹூண்டாய் நிறுவனத்தின் Click To Buy என்ற தளத்தில் வாகனக் கடன் குறித்த விவரங்களைப் பார்த்து தெரிந்துகொள்ளலாம். வாடிக்கையாளர்கள் தங்களுக்கு விருப்பமான ஹூண்டாய் காரை வாங்குவதற்கு, அதன் மாடல், விலை, செயலாக்கக் கட்டணம், ஒப்புதல் போன்ற விவரங்களைத் தெரிந்துகொள்ளலாம்.

இன்கம் டாக்ஸ் நோட்டீஸ் வந்தால் ஆபத்தா?

நகர்ப்புறம் மற்றும் கிராமப்புறங்களைச் சேர்ந்த அனைத்து மக்களும் அமர்ந்த இடத்தில் இருந்துகொண்டே ஆன்லைன் மூலமாக இத்தகவல்களைத் தெரிந்துகொள்வதற்காக இந்த வசதி ஏற்படுத்தப்பட்டுள்ளதாக ஆக்சிஸ் வங்கி கூறியுள்ளது. இதன் மூலம் வாடிக்கையாளர்கள் மிக வேகமாக வாகனக் கடன் பெறமுடியும். ஆக்சிஸ் வங்கியில் முன்கூட்டியே ஒப்புதல் பெற்ற கடனை வாடிக்கையாளர்கள் வாங்க முடியும். மிக விரைவாக, பாதுகாப்பான முறையில் வாகனக் கடன் பெறும் நோக்கத்தில் இந்த வசதி ஏற்படுத்தப்பட்டுள்ளதாகவும், இதன் மூலம் வாடிக்கையாளர்கள் சிறந்த சேவையைப் பெறுவார்கள் எனவும் ஆக்சிஸ் வங்கியின் சில்லறைக் கடன் பிரிவுத் தலைவரான சுமித் பாலி கூறியுள்ளார்.