GST: வியாபாரிகளுக்கு நிவாரணம்.. கட்டணம் ரத்து!

சிறு வரி செலுத்துவோருக்கு 2021-22ஆம் நிதியாண்டுக்கு ஜிஎஸ்டி ரிட்டன் செலுத்துவதற்கான தாமத கட்டணத்தை (late fee) மத்திய அரசு ரத்து செய்துள்ளது. இது சிறு வரி செலுத்துவோருக்கு பெரும் நிவாரணமாக இருக்கும் என எதிர்பார்க்கப்படுகிறது.

2021-22ஆம் நிதியாண்டுக்கு ஜிஎஸ்டிஆர்-4 (GSTR-4) தாக்கல் செய்வதற்கான தாமதக் கட்டணம் மே 1ஆம் தேதி முதல் ஜூன் 30ஆம் தேதி வரை தள்ளுபடி செய்யப்படுவதாக மத்திய மறைமுக வரி மற்றும் சுங்க வாரியம் (CBIC) தெரிவித்துள்ளது.

காம்போஷிஷன் திட்டத்தின் (Composition Scheme) கீழ் பதிவு செய்துள்ள வரி செலுத்துவோர் ஒவ்வொரு ஆண்டும் ஜிஎஸ்டிஆர்-4 ரிட்டனை தாக்கல் செய்து வருகின்றனர். ஜிஎஸ்டி சட்டத்தின்படி, ஜிஎஸ்டிஆர்-4 தாமதமாக தாக்கல் செய்வதற்கு ஒவ்வொரு நாளுக்கும் 50 ரூபாய் என்ற வீதம் தாமதக் கட்டணம் வசூலிக்கப்படும்.

பாலியல் தொழிலும் ஒரு தொழில்தான்.. அவங்களுக்கு மரியாதை கொடுங்க.. உச்ச நீதிமன்றம் உத்தரவு!
வரி செலுத்தப்பட வேண்டிய தொகை ஏதுமில்லை என்றால் அதிகபட்சமாக 500 ரூபாய் தாமதக் கட்டணமும், மற்றவர்களுக்கு அதிகபட்சமாக 2000 ரூபாய் வரையிலும் தாமதக் கட்டணம் வசூலிக்கப்பட வேண்டும்.

காம்போஷிஷன் திட்டத்தின் கீழ் உற்பத்தியாளர்களும், வர்த்தகர்களும் 1% ஜிஎஸ்டி செலுத்த வேண்டும். உணவகங்கள் 5% ஜிஎஸ்டியும், மற்ற சேவை வழங்குநர்கள் 6% ஜிஎஸ்டி செலுத்த வேண்டும். இந்நிலையில், தற்போது தாமதக் கட்டணம் ரத்து செய்யப்பட்டுள்ளது சிறு வரி செலுத்துவோருக்கு நிவாரணமாக அமைந்துள்ளது.