தரக்குறைவான பொருட்கள் விற்பனை.. பேடிஎம் மாலுக்கு அபராதம்!

சமீப ஆண்டுகளாக ஆன்லைன் வர்த்தகம் மிக சாதாரணமாகிவிட்டது. கிட்டத்தட்ட எல்லா பொருட்களையுமே ஆன்லைனிலேயே வாடிக்கையாளர்கள் வாங்கி வருகின்றனர். ஆனால், தரக் குறைவு போன்ற பல்வேறு பிரச்சினைகளும் இதில் உள்ளது.

இவ்வகையில், தரக்குறைவான பிரஷர் குக்கர்களை விற்பனை செய்த பேடிஎம் மால் (Paytm Mall), ஸ்னாப்டீல் (Snapdeal) ஆகிய நிறுவனங்களுக்கு தலா 1 லட்சம் ரூபாய் அபராதம் விதித்து மத்திய நுகர்வோர் பாதுகாப்பு ஆணையம் உத்தரவிட்டுள்ளது.

பேடிஎம் மால், ஸ்னாப்டீல் ஆகிய இரு நிறுவனங்களும் பிஐஎஸ் தரநிலைகளை எட்டாத பிரஷர் குக்கர்களை விற்பனை செய்துள்ளது மத்திய நுகர்வோர் பாதுகாப்பு ஆணையத்தின் விசாரணையின்போது உறுதியாகியுள்ளது. இதையடுத்து, தரக்குறைவான பிரஷர் குக்கர்களை திரும்பப் பெற்று அதற்கான பணத்தை வாடிக்கையாளர்களிடம் செலுத்தும்படி இரு நிறுவனங்களுக்கும் உத்தரவிடப்பட்டுள்ளது.

குட்டையை குழப்பும் தங்கம்.. அடுத்து என்ன நடக்கும்? திக் திக் மோடில் முதலீட்டாளர்கள்!
பிரிஸ்டின், குபா ஆகிய நிறுவனங்களின் பிரஷர் குக்கர்களில் ஐஎஸ்ஐ மார்க் இல்லாதது தெரிந்தும் பேடிஎம் மால் அவற்றை விற்றுள்ளது. இதேபோல, சரன்ஷ் எண்டர்பிரைசஸ், ஏஜி ஆகிய நிறுவனங்களின் தரக்குறைவான பிரஷர் குக்கர்களை ஸ்னாப்டீல் நிறுவனம் விற்றுள்ளது.

விசாரணையின்போது இதை உறுதிப்படுத்திய மத்திய நுகர்வோர் பாதுகாப்பு ஆணையம், பேடிஎம் மால், ஸ்னாப்டீல் ஆகிய இரு நிறுவனங்களும் தரக்குறைவான பிரஷர் குக்கர்களை வாடிக்கையாளர்களிடம் இருந்து திரும்பப் பெற்று அதற்கான பணத்தையும் செலுத்த வேண்டும் என உத்தரவிட்டுள்ளது.