Senior citizen: சீனியர் சிட்டிசன்கள் பெரும் ஏமாற்றம்.. மத்திய அரசு அறிவிப்பால் ஷாக்!

60 வயதை தொட்ட மூத்த குடிமக்கள் சீனியர் சிட்டிசன்கள் என அழைக்கப்படுகின்றனர். 80 வயதை தொட்டவர்கள் சூப்பர் சீனியர் சிட்டிசன்கள் என அழைக்கப்படுகின்றனர்.

சீனியர் சிட்டிசன்கள் முதலீடு செய்வதற்கு சீனியர் சிட்டிசன் சேமிப்பு திட்டம் ஒரு நல்ல சாய்ஸ். வங்கிகள், தபால் அலுவலகம் வாயிலாக சீனியர் சிட்டிசன் சேமிப்பு திட்டத்தில் முதலீடு செய்யலாம். இத்திட்டத்துக்கு சீனியர் சிட்டிசன்கள் மத்தியில் நல்ல வரவேற்பும் கிடைத்துள்ளது.

சீனியர் சிட்டிசன்கள் தனியாகவும், கணவன் அல்லது மனைவியுடன் சேர்ந்தும் (joint account) இத்திட்டத்தில் முதலீடு செய்யலாம். குறைந்தபட்சம் 1000 ரூபாய் முதலீடு செய்யலாம். அதிகபட்சமாக 15 லட்சம் ரூபாய் வரை முதலீடு செய்யலாம்.

சீனியர் சிட்டிசன் திட்டம் இந்திய அரசின் சிறு சேமிப்பு திட்டங்களில் ஒன்று. இந்திய அரசின் ஆதரவு கொண்டது என்பதால் பாதுகாப்பான திட்டம். ரிஸ்க் எடுக்க விரும்பாத சீனியர் சிட்டிசன்கள் இத்திட்டத்தில் முதலீடு செய்யலாம்.

சீனியர் சிட்டிசன் சேமிப்புத் திட்டத்தில் முதலீடு செய்தவர்கள் வருமான வரிச் சட்டப் பிரிவு 80C கீழ் ஆண்டுக்கு 1.5 லட்சம் ரூபாய் வரை வரி விலக்கு பெறலாம்.

சீனியர் சிட்டிசன் சேமிப்புத் திட்டத்துக்கு காலாண்டுக்கு ஒரு முறை வட்டி விகிதத்தை இந்திய அரசு முடிவு செய்யும்.

இந்திய அரசு பத்திரங்களின் லாபம் உயர்ந்துள்ளதாலும், அதிக பணவீக்கத்தாலும் ஜூலை - செப்டம்பர் காலாண்டுக்கு சீனியர் சிட்டிசன் சேமிப்பு திட்டத்துக்கான வட்டி விகிதம் உயர்த்தப்படும் என பெரிதும் எதிர்பார்க்கப்பட்டது.

எனினும், ஜூலை - செப்டம்பர் காலாண்டுக்கு சீனியர் சிட்டிசன் சேமிப்பு திட்டத்துக்கு வட்டி விகிதத்தில் எந்த மாற்றமும் இல்லை என மத்திய அரசு தெரிவித்துவிட்டது. இதனால் சீனியர் சிட்டிசன்கள் பெரும் ஏமாற்றம் அடைந்துள்ளனர்.

தற்போது சீனியர் சிட்டிசன் சேமிப்பு திட்டத்துக்கு 7.4% வட்டி வழங்கப்பட்டு வருகிறது.

சீனியர் சிட்டிசன் சேமிப்பு திட்டத்துக்கு வட்டி உயர்த்தப்படாவிட்டாலும் பல்வேறு வங்கிகள் நிரந்தர வைப்பு நிதி திட்டங்களுக்கு (Fixed Deposit) தொடர்ந்து வட்டி விகிதத்தை உயர்த்தி வருகின்றன. இது சீனியர் சிட்டிசன்களுக்கு பெரும் நிவாரணமாக அமைந்துள்ளது.