அரசு ஊழியர்களுக்கு 4% சம்பளம்.. போனஸ் உயர்வு… இன்று அதிகாரப்பூர்வ அறிவிப்புகள் வெளியாகும்!!

பண்டிகைக் காலம் நெருங்கி வருவதால், 7வது ஊதியக் குழுவின் கீழ் ஓய்வூதியம் பெறுவோர் மற்றும் மத்திய அரசு ஊழியர்களுக்கான திருத்தப்பட்ட அகவிலைப்படி (DA) மற்றும் அகவிலை நிவாரணம் (DR) உயர்வு குறித்து மத்திய அரசு இன்று அறிவிப்பை வெளியிடும் என எதிர்பார்க்கப்படுகிறது. அமைச்சரவையின் இறுதி ஒப்புதலுக்காகக் காத்திருப்பதாகவும் வேறு பல அறிக்கைகள் கூறுகின்றன.

மத்திய அரசு DA மற்றும் DR ஐ உயர்த்தினால், அது தற்போதைய 34% லிருந்து 38% ஆக உயர்த்தப்படும் என்று எதிர்பார்க்கப்படுகிறது. பிரதமர் நரேந்திர மோடி தலைமையில் நடைபெறும் மத்திய அமைச்சரவைக் கூட்டத்திற்குப் பிறகு இதற்கான அறிவிப்பு வெளியாகும் எனக் கூறப்படுகிறது.

இன்று காலை 11 மணிக்கு CCEA (Cabinet Committee on Economic Affairs) அமைச்சரவைக் குழு கூட்டத்திற்குப் பிறகு இந்த ஆண்டின் இரண்டாம் பாதியில் அரசு ஊழியர்கள் DA உயர்வு (7வது ஊதியக் குழுவின் அடிப்படையில்) அறிவிப்பைப் பெறுவார்கள் என எதிர்பார்க்கப்படுகிறது

உங்களின் அடிப்படை சம்பளம்/ஓய்வூதியம் ரூ.25,000 எனில், 38% விகிதத்தில் DA/DR ரூ.9500 ஆக இருக்கும். 34% உயர்வு விகிதத்தில், DA/DR தொகை ரூ.8500. அதாவது சம்பளம் ரூ.9500-ரூ.8500 = ரூ. 1000 கிடைக்கும்.

மேலும் இந்த டிஏ உயர்வு தவிர, ரயில்வே ஊழியர்களுக்கு உற்பத்தித்திறனுடன் இணைக்கப்பட்ட போனஸ் வழங்கும் திட்டத்தை மத்திய அரசு இன்று அறிவிக்கும் என எதிர்பார்க்கப்படுகிறது.

DA/DR விகிதங்கள் 4% முதல் 38% வரை உயர்ந்தால் சம்பளம்/ஓய்வூதியம் எப்படி அதிகரிக்கும் என்பதை இங்கே பார்க்கலாம்:

அடிப்படை சம்பளம்/ஓய்வூதியம் ரூ.25,000 எனில், 38% விகிதத்தில் DA/DR ரூ.95003 ஆகும். அதே 34% எனில் DA/DR தொகை ரூ.8500. அதாவது சம்பளத்தில் ரூ.1000 அதிகரிக்கும்.

அதே உங்கள் அடிப்படை சம்பளம்/ஓய்வூதியம் ரூ.35,000 என்றால், 38% எனில் DA/DR ரூ.13,300 ஆக இருக்கும். 34% எனில் DA/DR தொகை ரூ.11,900. அதாவது 1400 ரூபாய் சம்பளம் உயரும்.

மேலும் உங்கள் அடிப்படை சம்பளம்/ஓய்வூதியம் ரூ 45,000 என்றால், 38% எனில் DA/DR ரூ 17,100 ஆக இருக்கும். அதே 34% எனில், DA/DR தொகை ரூ.15,300. அதாவது சம்பளத்தில் 1800 ரூபாய் அதிகரிக்கும்.