1 ரூபாய்க்கு தங்கம் வாங்கலாம்.. அட்டகாசமான வாய்ப்பு!

தங்கம் விலை உயர்வு என்பது இந்தியாவில் நீண்ட காலமாகவே பெரும் பிரச்சினையாக இருந்து வருகிறது. ஒரு சவரன் தங்கத்தின் விலை 38,000 ரூபாயைத் தாண்டிவிட்டது. வசதி படைத்தவர்கள் மட்டுமே தங்கம் வாங்க முடியும் என்ற நிலைமை வந்துவிட்டது. ஆனால் சாமானிய மக்கள் கூட தங்கத்தை வாங்க முடியும். அதற்கான சிறப்பு வசதி உள்ளது.

அதிகம் செலவு செய்வது மொத்தமாக பெரிய விலை கொடுத்து, தங்கம் வாங்குவதற்குப் பதிலாக மிகச் சிறிய பணத்தில் தங்கம் வாங்கும் வசதி வாடிக்கையாளர்களிடையே அதிக வரவேற்பைப் பெற்றுள்ளது. தங்கத்தை பெரிய விலை கொடுத்து நேரடியாக வாங்குவது சாதாரண மக்களுக்கு கடினமான விஷயம்தானே. அதற்காகவே டிஜிட்டல் தங்கம் உள்ளது.

இந்த வசதியைப் பயன்படுத்தி வெறும் ஒரு ரூபாய்க்குக் கூட நீங்கள் தங்கம் வாங்க முடியும். கூகுள் பே, போன் பே, பேடிஎம் போன்ற மொபைல் ஆப்களில் இந்த வசதி உள்ளது. அதில் சென்று நீங்கள் சிறிய தொகையில் தங்கத்தை வாங்கலாம். தங்கத்தின் விலை உயரும்போது உங்களது ஆப்பில் சேமித்து வைத்திருக்கும் தங்கத்தை நீங்கள் விற்றுவிட்டு அதன் மூலம் நிறைய சம்பாதிக்கலாம். அதற்கான தொகை உங்களுடைய அக்கவுண்ட்டிலேயே மாற்றப்பட்டுவிடும்.

ஆதார் கார்டுக்கு 10 ஆயிரம் அபராதம் - பொதுமக்களுக்கு எச்சரிக்கை!
அப்படி இல்லாமல், தங்க நாணயமாகக் கூட நீங்கள் வாங்கிக்கொள்ளலாம். தங்க நாணயம் வாங்கினால் அது உங்களுடைய முகவரிக்கே அனுப்பி வைக்கப்படும். தங்கத்தைப் போலவே வெள்ளியில் முதலீடு செய்து வெள்ளி நாணயங்களையும் வாங்கலாம். உதாரணமாக, போன் பே மொபைல் ஆப்பில் investment என்ற பிரிவின் கீழ் உள்ள gold என்ற வசதியில் சென்று நீங்கள் தங்கத்தை வாங்கலாம். கிராம் அடிப்படையிலும் ரூபாய் அடிப்படையிலும் நீங்கள் தங்கத்தை வாங்க முடியும். சமீப நாட்களில் நிறையப் பேர் இந்த வசதியைப் பயன்படுத்தி தங்கத்தில் முதலீடு செய்கின்றனர்.