பிஎஃப் பேலன்ஸ் பார்க்கணுமா? ஈசி வழி இதோ!

பிஎஃப் பேலன்ஸ் பார்ப்பதற்கு நான்கு எளிய வழிகள் உள்ளன. உமாங் ஆப், பிஎஃப் வெப்சைட் ஆகியவற்றில் பார்ப்பதை விட மிஸ்டு கால் மற்றும் எஸ்எம்எஸ் மூலமாக பேலன்ஸ் பார்ப்பது மிகவும் எளிதாக இருக்கும்.

மிஸ்டு கால்!

011-22901406 என்ற எண்ணுக்கு பிஎஃப் கணக்குடன் பதிவுசெய்யப்பட்டுள்ள மொபைல் எண்ணிலிருந்து நீங்கள் மிஸ்டு கால் கொடுத்தால் பிஎஃப் பேலன்ஸ் குறித்த விவரங்கள் உங்களுக்கு வரும். இச்சேவையைப் பெறுவதற்கு கட்டணம் எதுவும் வசூலிக்கப்படாது.

எஸ்எம்எஸ்!

வாடிக்கையாளர்கள் தங்களுடைய பிஎஃப் எண்ணுடன் பதிவுசெய்யப்பட்ட மொபைல் எண் மூலமாக பேலன்ஸ் பார்க்கலாம்.

மொபைல் எண்ணிலிருந்து 7738299899 என்ற எண்ணுக்கு எஸ்எம்எஸ் அனுப்ப வேண்டும்.

இந்த வசதி தமிழ், ஆங்கிலம், இந்தி, பஞ்சாபி, குஜராத்தி, மராத்தி, கன்னடா, மலையாளம், தெலுங்கு, பெங்காலி உள்ளிட்ட 10 மொழிகளில் கிடைக்கிறது.

EPFOHO UAN LAN என்று எஸ்எம்எஸ் அனுப்ப வேண்டும். இதில் LAN என்பது நாம் தேர்ந்தெடுக்கும் மொழியின் முதல் மூன்று எழுத்துகள் ஆகும். உதாரணமாக, தமிழில் பெற வேண்டுமென்றால், EPFOHO UAN TAM என்று அனுப்ப வேண்டும்.

இவ்வாறு டைப் செய்து 7738299899 என்ற எண்ணுக்கு எஸ் எம் எஸ் அனுப்பியவுடனேயே பதிவுசெய்யப்பட்ட வாடிக்கையாளரின் மொபைல் எண்ணுக்கு பிஎஃப் பேலன்ஸ், கடைசி டெபாசிட் தொகை உள்ளிட்ட விவரங்கள் வந்து சேரும்.