சென்னையை குறிவைக்கும் டாப் 10 முதலீட்டாளர்கள்; ஆசிய-பசுபிக் பிராந்தியத்தில் இதுதான் பெஸ்ட்..!

சென்னை: ஆசிய-பசுபிக் பிராந்தியத்தில் டாப் 10 முதலீட்டாளர்கள் சென்னையை குறிவைத்துள்ளனர்.

சர்வதேச ரியல் எஸ்டேட் ஆலோசகர்களான கூஷ்மன் மற்றும் வேக்ஃபீல்ட் சமீபத்தில் அறிக்கை ஒன்றை வெளியிட்டனர். அதற்கு ’ஆசிய-பசுபிக் பிராந்தியத்தில் அடுத்த முக்கிய தூண்களாக திகழும் நகரங்கள்’ என்று பெயரிடப்பட்டிருந்தது.

அந்த பட்டியலில் ஐதராபாத் முதலிடத்தில் உள்ளது. இதனைத் தொடர்ந்து பாங்காக், மணிலா, குவான்ஷூ, ஷென்ஸென் ஆகியவை அடுத்த இடங்களில் இடம்பெற்றுள்ளன. இதற்கு அடுத்து பெங்களூரு, மும்பை, பூனே, சென்னை, நியூ டெல்லி ஆகிய நகரங்கள் உள்ளன. முதலீட்டு தர சொத்துக்களின் பற்றாக்குறை காரணமாக, முதலீட்டாளர்கள் இரண்டாம் ரக சந்தைகளை குறிவைக்கத் தொடங்கியுள்ளனர்.

வளர்ந்து வரும் ஆசிய-பசுபிக் பிராந்திய பொருளாதாரத்தால், உலகளாவிய முதலீடுகள் இந்தியாவின் முக்கிய நகரங்களில் தங்கள் அலுவலகங்களை கட்டமைக்க திட்டமிட்டுள்ளன. கடந்த 3 ஆண்டுகளில் இந்தியாவின் டாப் 8 நகரங்கள் 35 மில்லியன் சதுர அடி அலுவலக இருப்பிடங்களை வழங்கியுள்ளன. ஆசிய-பசுபிக் பிராந்தியத்தில் அலுவலக கட்டமைப்பிற்கு பங்களிப்பதில் இந்தியா மிக அதிகப்படியான பங்காற்றுவது குறிப்பிடத்தக்கது.

Chennai among top 10 investor targets in Asia Pacific region.