Gold rate: ஷாக் அடிக்கும் தங்கம் விலை!

கடந்த மாதத்தை ஒப்பிடும்போது இந்த மாதத்தில் தங்கம் விலை ஓரளவுக்கு குறைவாகவே உள்ளது. ஒரு நாள் விலை உயர்ந்தாலும் அடுத்த நாளில் விலைச் சரிவு காணப்படுகிறது. ஆனால் இன்று காலையில் தங்கம் விலை அதிரடியாக உயர்த்தப்பட்டு, மாலை நேரத்திலும் விலையேற்றம் காணப்படுவதால் வாடிக்கையாளர்கள் கவலையில் ஆழ்ந்துள்ளனர்.

சென்னையில் இன்று காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,435 ஆக இருந்தது. மாலை நேரத்தில் அது 4,450 ஆக உயர்த்தப்பட்டுள்ளது. அதேபோல, நேற்று இதன் விலை 4,430 ரூபாயாக இருந்தது. அதேபோல, காலையில் 35,480 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 160 ரூபாய் உயர்ந்து 35,600 ரூபாய்க்கு விற்பனையாகிறது.

மாதம் ரூ.3,000 பென்சன்... உடனே இந்தத் திட்டத்தில் சேருங்க!
தூய தங்கத்தின் விலையும் தற்போது அதிரடியாக உயர்ந்துள்ளது. காலையில் 4,794 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,809 ரூபாயாக உயர்ந்துள்ளது. அதேபோல, இன்று காலையில் 38,352 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 118 ரூபாய் உயர்ந்து 38,352 ரூபாய்க்கு விற்பனையாகிறது.

வெள்ளி விலையும் உயர்த்தப்பட்டுள்ளது. இன்று காலையில் வெள்ளி விலையில் எவ்வித மாற்றமும் இல்லாமல் ரூ.73.10 ஆக இருந்தது. ஆனால் மாலையில் இதன் விலை ரூ.73.40 ஆக அதிகரித்துள்ளது. ஒரு கிலோ வெள்ளி 73,400 ரூபாய்க்கு விற்பனை செய்யப்படுகிறது.