ஈரோடு: அடேங்கப்பா.. ரூ.12 லட்சத்துக்கு தேங்காய் விற்பனை!

ஈரோடு மாவட்டம் கொடுமுடி ஒழுங்குமுறை விற்பனைக் கூடத்தில் தேங்காய் ஏலம் நடைபெற்றது. ஏலத்தில் சுற்றுவட்டார பகுதிகளை சேர்ந்த விவசாயிகள் 6,940 தேங்காய்களை விற்பனைக்கு கொண்டுவந்தனர். இதில் ஒரு கிலோ குறைந்தபட்ச விலையாக 21 ரூபாய் 65 காசுக்கும், அதிகபட்ச விலையாக 26 ரூபாய் 65 காசுக்கும், சராசரி விலையாக 24 ரூபாய் 65 காசுக்கும் ஏலம் போனது. மொத்தம் 2,477 கிலோ எடையுள்ள தேங்காய்கள் 59 ஆயிரத்து 24 ரூபாய்க்கு விற்பனையானது.

இதேபோல் தேங்காய் பருப்பு 170 மூட்டைகள் விற்பனைக்கு கொண்டு வந்தனர். இதில் முதல்தரம் ஒரு கிலோ குறைந்தபட்ச விலையாக 84 ரூபாய் 89 காசுக்கும், அதிகபட்ச விலையாக 92 ரூபாய் 80 காசுக்கும், சராசரி விலையாக 91 ரூபாய் 60 காசுக்கும் விற்பனையானது.

இதேபோல் இரண்டாம் தரம் குறைந்தபட்ச விலையாக 64 ரூபாய் 79 காசுக்கும், அதிகபட்ச விலையாக 86 ரூபாய் 86 காசுக்கும், சராசரி விலையாக 78 ரூபாய் 80 காசுக்கு ஏலம் போனது. மொத்தமாக 7,932 கிலோ எடையுள்ள தேங்காய் பருப்பு 6 இலட்சத்து 81 ஆயிரத்து 512 ரூபாய்க்கு விற்பனை நடைபெற்றது.

ஏடிஎம் பரிவர்த்தனை வரம்பு உயர்வு.. புதிய விதிமுறைகள் இதுதான்!
இதுபோக 56 எள் மூட்டைகள் விற்பனைக்கு கொண்டு வரப்பட்டன. சிவப்பு எள் குறைந்தபட்ச விலையாக 116 ரூபாய் 78 காசுக்கும், அதிகபட்ச விலையாக 134 ரூபாய் 90 காசுக்கும், சராசரி விலையாக 127 ரூபாய் 90 காசுக்கும், வெள்ளை எள் குறைந்தபட்ச விலையாக 133 ரூபாய் 30 காசுக்கும், அதிகபட்ச விலையாக 139 ரூபாய் 10 காசுக்கும், சராசரி விலையாக 136 ரூபாய் 60 காசுக்கும் ஏலம் போனது.

மொத்தமாக 4,121 கிலோ எடையுள்ள எள் 5 இலட்சத்து 39 ஆயிரத்து 104 ரூபாய்க்கு விற்பனை நடைபெற்றது. மொத்தமாக தேங்காய், தேங்காய்பருப்பு, எள் சேர்த்து 12 இலட்சத்து 79 ஆயிரத்து 640 ரூபாய்க்கு விற்பனை நடைபெற்றுள்ளது.